Qazaq-qytaı shekarasyndaǵy ótkizý beketi mamyr merekelerinde adamdardy kirgizbeıdi

ASTANA. KAZINFORM — Qazaqstan men Qytaı úkimetteri arasyndaǵy kelisimge sáıkes 1, 7 jáne 9 mamyrda «Qorǵas» shekara mańy yntymaqtastyǵy halyqaralyq ortalyǵy men temirjol ótkizý pýnkterin qospaǵanda Qazaqstan-Qytaı shekarasyndaǵy avtomobıl ótkizý pýnktinde adamdardy, kólik pen júk ótkizý ýaqytsha toqtatylady. Bul jaıynda Ulttyq qaýipsizdik komıtetiniń baspasóz qyzmetinen málim boldy. 

Qazaqstan-ózbek shekarasynda júrgizilip jatqan rekonstrýktsııaǵa baılanysty «Qaplanbek» ótkizý pýnkti jabyldy, «Tájen», «Atameken» jáne «Qazyǵurt» ótkizý pýnktterinde adamdar men kólik quraldarynyń qozǵalysy shekteldi.

Reseı, Qyrǵyz jáne túrikmen baǵyttaryndaǵy ótkizý pýnktteri shtattyq rejımde jumys isteıdi.

«Azamattarǵa marshrýttaryn aldyn ala josparlaýdy usynamyz» dep eskertedi UQK baspasóz qyzmetinen.