Qazaq-qyrǵyz shekarasynda júk kólikteri keptelip tur

5 qazanda Qyrǵyzstan men Qazaqstan shekarasyndaǵy «Aq tilek-avtojol» jáne «Ken Býlýn-avtojol» baqylaý-ótkizý pýnkteri aldynda júk kólikteri keptelip turǵany tirkeldi, dep habarlaıdy QazAqparattyń menshikti tilshisi.

QR UQMK shekara qyzmeti dereginshe, 14:00-degi jaǵdaı boıynsha, Qyrǵyz Respýblıkasynan shyǵatyn memlekettik shekarada 569 avtokólik tur.

Onyń 395-i «Aq Tilek – avtojol», 121-i «Ken Býlýn – avtojol» jáne 53-i «Chaldybar – avtojol» ótkizý pýnktilerinde tur.

Mekeme júk kólikteriniń qyrǵyz-qazaq shekarasynda jınalyp qalýy kúz maýsymyna tán Qyrǵyzstannan basqa elderge aýylsharýashylyq ónimderi eksportymen baılanysty dep atap ótti. 

Kólik kezeginiń sozylýy tsıkldik sıpatqa ıe. Sebebi Qyrǵyzstan jáne Qazaqstan tarapynan eshqandaı shekteý engizilgen joq.

Ótkizý pýnkteri kúndelikti tártippen jumys istep tur.