Qazaq-qyrǵyz shekarasynda taǵy da 500 júk kóligi jınalyp qaldy

Qazaq-qyrǵyz memlekettik shekarasyndaǵy «Aqtilek-avtodorojnyı» ótkizý pýnktinde júk kólikteri taǵy da keptelip qaldy. Bul týraly Qyrǵyz Respýblıkasy UQMK Shekara qyzmeti málim etti, dep habarlaıdy Kazinform agenttigi 24.kg saıtyna silteme jasap.

 20 qarasha 11.00-degi jaǵdaı boıynsha, «Aqtilek-avtodorojnyı» baqylaý-ótkizý pýnkti aldynda shekara tekserisinen ótý úshin 500 júk kóligi kezekte tur.

Ótken táýlikte Qyrǵyzstannan Qazaqstanǵa 280 avtokólik kirgen.

«Ótkizý pýnktinde júk kólikteriniń jınalyp qalýy – maýsymdyq jaǵdaı. Oǵan Qyrǵyzstannan aýyl sharýashylyǵy ónimderi, halyq tutynatyn taýarlar eksportynyń artýy sebep bolady. Sonymen qatar janýarlar mingen jáne tez buzylatyn ónimderi bar júk kólikteri ótkizý pýkntinen kezeksiz ótip jatyr. Qazaqstan men Qyrǵyzstanyń shekara qyzmeti tarapynan júk kólikterine eshqandaı shekteý qoıylǵan joq. Qazaq-qyrǵyz memlekettik shekarasynyń barlyq ótkizý pýnkti qalypty rejımde jumys istep tur» delingen habarlamada.