Qazaq kınosyna keńistik jasaýymyz kerek - Elbasy Nursultan Nazarbaev
Y. Qarashanyń 23-i. QazAqparat /Erlik Erjanuly/ - Kıno prokat naryǵynda otandyq fılmderdiń úlesi 3 paıyzdy quraıdy. Bul eldegi kınoındýstrııanyń qazirgi jaı-kúıin kórsetedi, dedi Elbasy búgin Almatydaǵy Sháken Aımanov atyndaǵy «Qazaqfılm» kınostýdııasynyń jumysymen tanysqan kezde,
dep habarlaıdy QazAqparat.
«Qazir kıno - ıdeologııa, patrıotızm. Adamdar kóbine kıno kóredi. Jaqsy fılmdi biz de kóremiz. Kasseta satyp alamyz. Ol bolýy tıis. Biz de osyndaı kórkem fılmder túsirýmiz kerek. Osyǵan oraı sizderge alǵys aıtqym keledi. Búgingi kórgen kınolarda otanshyldyq asqaqtap tur. Biz jas elmiz. Jas urpaqty tárbıeleýge muqtajbyz. Qazaq kınosynda qazaq jerine degen mahabbat, eline, ultyna degen súıispenshilik bolýy kerek. Onda elim, ataqonys jerim degen sózder bolý qajet», dedi Memleket basshysy Nursultan Nazarbaev. Elbasynyń sózine qaraǵanda, qazaq 50-100 jyldan keıin qalaı, qaı jerde, kimmen birge bolady? Táýelsizdigimizdi qalaı saqtap qalamyz degen saýaldarǵa tek qana ójet, otansúıgish urpaq tárbıelesek qana jaýap taba alamyz. Sondyqtan kıno tarıhty ǵana emes, qazirgi zamanǵy taqyrypty da kóterýi kerek. Qazaq kınosyna keńistik jasaý úshin endi memleket tarapynan da qoldan kelgen kómektiń bári jasalady.
