Qazaq kınosy qoryndaǵy 1 myńnan astam týyndy sandyq formatta bolady
ASTANA. QazAqparat - Qordaǵy qazaq kınosynyń mol murasy sandyq formatqa aýystyrylady.
Bul týraly búgin Ortalyq kommýnıkatsııalar qyzmetindegi baspasóz máslıhatynda Qazaqstan Kınematografısteri odaǵynyń teń tóraǵasy Ahat Ybraev málim etti.
«Búginde bizde Almatyda ortalyq muraǵat bar. Memlekettik kınofılm qoryn damytýdaǵy bizdiń tujyrymdamada qazaq kınosynyń aýqymdy kólemindegi toptamasyn sandyq formatqa kóshirýdi talqylap jatyrmyz. Atap aıtqanda, qazirgi kezde bul qordaǵy týyndylardyń bir bóligi sandyq nusqada bolsa, qalǵandary taspada saqtaýly. Sondyqtan bul sharalar mol muraǵa qoljetimdi bolýy úshin jáne muraǵattaý jumystaryn sapaly túrde qamtamasyz etý úshin kerek», - dedi ol.
Onyń sózine qaraǵanda, 1 myńnan astam fılmdi sandyq formatqa kóshirý josparlanyp otyr. Olardyń arasynda derekti hronıka da qamtylýda.
