Qazaq kınosy «Bir kem dúnıemen» tolyqty
ALMATY. 17 qarasha. QazAqparat - «GLOBAL studio» telestýdııasy Tólegen Beıset pen Orynbasar Baltabaıulynyń stsenarııimen «Bir kem dúnıe» dep atalatyn jańa fılm túsirdi.
Fılmniń prodıýseri - Orynbasar Baltabaıuly, rejısseri - Tólegen Beıset, qoıýshy operatory - Asylhan Meldebekov, al kompozıtorlary - Ashat ıAkýpov pen Baýyrjan Aqtaev. Jańa týyndynyń tusaýkeseri Almatyda 21 qarasha kúni bolady.
Fılm pendelik paryzyn óteýge nıettengen qarapaıym aýyl aqsaqalynyń ómirine qurylady. Dramalyq týyndy uzaq jyl nemere súıýdi armandaǵan qarttyń ishki jan-dúnıesindegi kúızelisterge moıymaıtyn kúreskerlik rýhyn ashyp kórsetip, ar tazalyǵyn dáripteıdi. Kınodaǵy basty rólderdi Qazaqstannyń eńbek sińirgen qaıratkerleri Orazhan Sádýaqasuly men Sholpan Sirgebaeva, Qazaqstan Jastar odaǵy syılyǵynyń laýreaty Azamat Satybaldy jáne Jalǵas Tolǵanbaı, Qýanysh Turdalın, Dınara Abdýllına sııaqty akterlar somdaıdy.
Bul «GLOBAL studio» telestýdııasynda shyǵarylǵan ekinshi fılm bolyp otyr. Olardyń alǵashqy kıno týyndysy buǵan deıin «Oraza qabyl bolsyn!» degen atpen jaryq kórgen bolatyn.
