Qazaq kınosy alǵash ret Afrıkada kórsetildi

ıAÝNDE. QazAqparat - Kamerýn astanasy ıAýndede YARHA Festival halyqaralyq kınofestıvali ótti, is-shara aıasynda qazaq kınosynyń arnaıy kórsetilimi uıymdastyryldy, dep habarlaıdy QazAqparat.

Ulttyq kınony memlekettik qoldaý ortalyǵynyń kómegimen túsirilgen «Nartaı» fılmi festıvaldiń negizgi konkýrstyq baǵdarlamasyna qatysyp, tórt júldege ıe boldy jáne úzdik kórkem fılm atandy.

Sonymen qatar festıval baǵdarlamasynda basqa da otandyq kartınalar kórsetildi.

«Men sizdiń elde túsirilgen kórkem fılmin alǵash ret kórip otyrmyn, buǵan deıin tek derekti fılmderdi tamashalaǵan edim. Kıno mamany basqa elden kelgen kásipqoıdyń jumysyn kórgende, eń aldymen kıno tilin túsinýge tyrysady. Bul fılmde ol erekshe, keremet. Bul fılmderdi kórgende kıno tilinde jetkizilgen belgili bir oqıǵaǵa tap bolamyz jáne meni baýraǵan dál sol sezim», - deıdi shara qonaqtarynyń biri, rejısser, Kann kınofestıvaliniń qatysýshysy Mýssa Týre.

Afrıkalyq kórermen qazaq kınosynyń deńgeıin joǵary baǵalady, al ındýstrııa mamandary seriktestik ornatýdy usyndy.

- YARHA festıvalimen seriktestik kelesi jyly da jalǵasady dep úmittenemin, bul Qazaqstannyń oń ımıdjin ilgeriletýge óz úlesin qosatynyna senimdimin. Mádenı dıplomatııa jalǵasýy kerek. Biz qazaqstandyq kartınalardyń Marokko, Týnıs, Senegal jáne Kongo elderinde kórsetilgenin qalaımyz, - dep atap ótti Frantsııadaǵy qazaqstandyq kıno qaýymdastyǵynyń prezıdenti Andre Ivanov.

Kamerýndaǵy otandyq fılmderdiń kórsetilimin Frantsııadaǵy qazaqstandyq kıno qaýymdastyǵy uıymdastyrdy.

Bul - Afrıkadaǵy alǵashqy osyndaı aýqymdy shara.

Foto: Ulttyq kınony memlekettik qoldaý ortalyǵy