Qazaq kıno óneri erekshe jańa týyndymen tolyqty - aqyn Qajytaı Іlııasov
ALMATY. 26 qańtar. QazAqparat /Erlik Erjanuly/ - "Bul fılm eń aldymen ata-babadan qalǵan úlgini umytpaı, sońǵylardy jalǵaıtyn kópir retindegi mindetti atqarǵan", - dedi belgili aqyn, etnograf Qajytaı Іlııasov búgin Almatyda Qytaıda túsirilgen "Aqsarbas" dep atalatyn kórkem fılmniń tanystyrylymy kezinde.
"Fılm maǵan unady. Bul eń aldymen Qytaıdaǵy qazaqtardyń tirshiligin kórsetedi. Stsenarıst qyz ata-babadan qalǵan úlgini umytpaı, sońǵylarmen jalǵaıtyn kópir retindegi óz mindetin atqarǵan. Ekinshi, onda sol zamannyń kıim úlgileri men salt-dástúri kórinis tapqan. Qazir bizde túsiriletin kınolardyń kóbinde rekvızıt jutap turady. Shabandozdar atqa ómildirik, quıysqansyz jaıdaq minedi", -deıdi Qajytaı Іlııasuly.
Etnograftyń aıtýynsha, qazaq aqsarbas qozy týǵanda bata-tilek jasap tilek tilegen. Bul fılm óz taqyrybyn tolyq ashyp tur. Onda qazaqtyń turmys- salty men ádet -ǵuryptary birshama kórinis tapqan. Ol aldaǵy ýaqytta halqymyzdyń salt-dástúrin jan-jaqty ashyp kórsetýge óziniń oń yqpalyn tıgizedi.
