Qazaq kemeleri Qara teńiz jáne Jerorta teńizderinde munaı men munaı ónimderin tasymaldaıtyn bolady
ASTANA. 10 jeltoqsan. QazAqparat - Keshe Grýzııanyń Batýmı aılaǵynda «Qazaqteńizkólikfloty» UTKQK» AQ alǵashqy iri tonnajdy kemelerdi qabyldap aldy,
dep habarlady «QazMunaıGaz» kompanııasynyń baspasóz qyzmetinen.
QTKF árqaısysynyń salmaǵy 115 myń tonna bolatyn «Aframax» úlgisindegi eki munaı quıý tankerin satyp aldy. Jańa kemelerge «Alatau» jáne «Altai» ataýlary berildi. Tankerlerdi Ońtústik Koreıanyń «Samsung Heavy Industries» keme jasaý kompanııasy shyǵardy, olar Qara teńiz jáne Jerorta teńizderinde munaı jáne munaı ónimderin tasymaldaýǵa arnalǵan.
Osylaısha, «Qazaqteńizkólikfloty» UTKQK» kompanııalar toby óz flotyn iri tonnajdy kemelermen ulǵaıtý arqyly qyzmetiniń geografııalyq aıasyn keńeıte túspek. Atalǵan teńiz kólikterin satyp alý «QazMunaıGaz» UK AQ uzaq merzimdi damý strategııasyn iske asyrý jónindegi is-sharalar aıasynda jáne «Samuryq-Qazyna» UÁQ» AQ qoldaýynyń arqasynda júzege asyryldy.
«QTKF «barlaý-óndirý-tasymaldaý-qaıta óńdeý-jetkizý» qaǵıdaty boıynsha qazaqstandyq munaıdy álemdik naryqqa tasymaldaýdyń logıstıkalyq júıesin senimdi paıdalaný arqyly tehnologııalyq tıimdi kóliktik dáliz qurý mindetin qoıyp otyr. Búginde QTKF kompanııalar tobynyń flotyndaǵy keme sany 21 birlikti quraıdy, onyń ishinde 8 tanker bar. 2020 jylǵa deıingi damytý strategııasyna sáıkes QTKF menshikti flotynyń jalpy tonnajyn iri tonnajdy 4 kemeni satyp alý arqyly 1 426 000 tonnaǵa deıin ulǵaıtýdy josparlap otyr», - delingen habarlamada.
Іs-sharaǵa « «KazMunaıGaz» UK AQ munaı tasymaldaý boıynsha basqarýshy dırektory Nurtas Shmanov, «Qazaqteńizkólikfloty» UTKQK» AQ basqarma tóraǵasy Marat Ormanov jáne taǵy basqa resmı tulǵalar qatysty.
