Qazaq qalamgerlerin shetelge tanytýda «Aýdarma» baspasy úlken eńbek sińirip keledi
ASTANA. Jeltoqsannyń 30-y. QazAqparat /Aıdyn Báımen/ - Astana qalasyndaǵy «Aýdarma» baspasy «Qazaq Ádebıetiniń Kitaphanasy» («Bıblıoteka Kazahskoı Lıteratýry») serııasymen orys tilinde qazaqtyń áıgili aqyn-jazýshylardyń kitabyn jaryqqa shyǵaryp keledi. Bul serııa qazaqtyń uly aqyny Abaıdyń «ıA - chelovek-zagadka...» kitabymen bastalǵan,
dep habarlaıdy QazAqparat.
Atalǵan joba boıyna qazaq ádebıetiniń tanymal tulǵalary Shahárim Qudaıberdiulynyń, Ahmet Baıtursynulynyń, Mirjaqyp Dýlatulynyń, Maǵjan Jumabaıulynyń, Іlııas Jansúgirovtiń, Muhtar Áýezovtiń, Іlııas Esenberlınniń jáne basqa da qalamgerlerdiń kitaptary orys tilinde jaryq kóretini josparlanǵan. Sonymen qatar qazirgi belgili aqyn-jazýshylardyń da kesek týyndylary osy serııamen «Aýdarma» baspasynan oqyrmanǵa jol tartatyn bolady.
Sonymen qatar Qaltaı Muhamedjanovtyń qazaq tiline aýdarǵan arabtyń áıgili «Myń bir tún» halyq ertegisi de jaryq kórýde.
2009 jyly «Aýdarma» baspasynan «Mádenı mura» baǵdarlamasy aıasynda «Qazaq halqynyń fılosofııalyq murasy» serııasy boıynsha tolyq jmyrma tomdyq toptama jaryq kórdi. «Ejelgi kóshpendiler dúnıetanymynan» bastaý alǵan fılosofııa «Táýelsiz Qazaqstan fılosofııasyna» deıingi aralyqty qamtıtynyn aıta ketken jón.
Sonymen qatar osy baspada «Mádenı mura» memlekettik baǵdarlamasy sheńberinde «Álem ádebıeti kitaphanasy» serııasy boıynsha 2004 jyldan álem klassıkteriniń týyndylary qazaq tilinde jaryq kórip keledi. Osy jyldarda orys, frantsýz, japon, aǵylshyn jáne Latyn Amerıkasy elderi qalamgerleriniń birqatar shyǵarmalary tól tilimizge aýdarylyp, oqyrmanǵa usynyldy.
Aldaǵy jyldarda «Aýdarma» baspasynan shet tilderine aýdarylǵan shyǵarmalar jaryq kóredi. Atap aıtqanda, Qyz Jibek jyry japon tilinde, Abaıdyń «Qara sózderi» polıak tilinde, al onyń óleńderi nemis tilinde kitap bolyp basylmaqshy.
Sonymen qatar jazýshylar Beıimbet Maılın men Ǵabıt Músirepovtiń áńgimeler jınaqtary jeke-jeke túrik tilinde jaryq kórmek.
Ádebıetshi ǵalym Seıit Qasqabasovtyń «Óner besigi» («Kolybel ıskýsstva») shyǵarmasy aǵylshyn tilinde, jazýshy Dıdar Amantaıdyń «Gúlder men kitaptar» týyndysy nemis tilinde jaryqqa shyǵatyny josparlanǵan.
