Qazaq qalamgeriniń týyndysy Túrkııadaǵy halyqaralyq baıqaýda top jardy
Dramatýrgııa salasy boıynsha uıymdastyrylǵan halyqaralyq baıqaýǵa Túrkııa Respýblıkasy Mádenıet jáne týrızm mınıstrligi qoldaý kórsetken. Túrkitildes memleketterden 48 úmitkerdiń ótinishi saralanǵan baıqaý bıyl ekinshi ret ótkizilip otyr.
Jeńimpazdardy «TÚRKSOI» uıymynyń bas hatshysy Dúısen Qaseıinov, Eýrazııa Jazýshylar qaýymdastyǵynyń tóraǵasy ıAkýp Omaroǵly, Túrkııanyń burynǵy Mádenıet jáne týrızm mınıstri, professor Nabı Avjy, Túrkııa Mádenıet jáne týrızm mınıstriniń orynbasary Hýseın ıAıman quttyqtap, túrkitildes elderdiń dostyq qarym-qatynasyna ádebıettiń qosar úlesin atap ótti.
Tartysty ótken dodada Qazaqstannyń eńbek sińirgen qaıratkeri, «Qurmet» ordeniniń ıegeri, jazýshy Ahmetjan Ashırı «Sharbaq» pesasymen І oryn ıelendi. ІІ oryndy túrik dramatýrgi Lútfı Shahsývaroǵly «Tuǵryl Beıdiń túsi» pesasymen jeńip aldy. ІІІ orynǵa ázerbaıjan jazýshysy Pervın Nuralıevanyń «Asyp óter Arasty», ІV orynǵa túrikmen jazýshysy Oǵýlmaıa Semızadeniń «Uly taýlardyń áni» atty dramasy laıyq dep tabyldy.
Eýrazııa Jazýshylar qaýymdastyǵynyń tóraǵasy, jazýshy ıAkýp Omaroǵlynyń aıtýynsha, irikteý komıssııasyna túrkitildes memleketterden 48 ótinish kelip túsken.
«Bıyl ekinshi márte júzege asyp otyrǵan baıqaý ádil ótý úshin qazylar alqasynyń tóraǵasy men músheleri sońǵy sátke deıin qupııa ustaldy. Barlyq jumystardyń jan-jaqty saralanýy nátıjesinde Ahmetjan Ashırı «Sharbaq» pesasymen І oryn ıelendi», - dedi ol.
- Meniń baıqaýǵa usynǵan eńbegim Elbasy Nursultan Nazarbaevtyń «Bolashaqqa baǵdar: rýhanı jańǵyrý» maqalasyndaǵy tapsyrmalarǵa sáıkes keledi. Týǵan aýyl, ósken jerdi qadirleýge, kórkeıtýge shaqyrady. Bir kezderi «keleshegi joq aýyldar» degen sheshimmen shaǵyn eldi mekenderdi bir-birine qosý jumystary júrgizildi. Sol ýaqytta údere kóshken jurttyń sońynda jalǵyz kempir eshqaıda ketpeı, bir aýyldyń shyraqshysy bolyp, tútinin tútetip qalady. Halyq qaıtyp keledi degen úmitpen ómir súredi, túnde kelse, adasyp ketpesin dep shyraq jaǵyp, aýyldyń otyn sóndirmeýge tyrysady. Biraq oqıǵa sońynda eshkim sý ishken jerine qaıtyp oralmaıdy, keıýananyń qabiri ǵana shoshaıyp qalady... Meniń maqsatym - halyqtar arasyndaǵy myzǵymas dostyqty nasıhattaý. Túrkitildes elder arasynda osyndaı ádebı baılanys bolýy kerek. Eýrazııa Jazýshylar qaýymdastyǵy dramatýrgııa salasynda barlyǵymyzdyń basymyzdy biriktirip otyr, - dedi jeńimpaz Ahmetjan Ashırı.
Eske sala keteıik, 2014 jyly ótken alǵashqy baıqaýda halyqaralyq «Alash» syılyǵynyń laýreaty, jazýshy Nurǵalı Oraz «Meniń de ómirim bir qyzyq kitap» áńgimesi úshin І oryn ıelengen bolatyn.
Osy jolǵy báıgeniń jeńimpazy Ahmetjan Ashırı 1938 jyly Almaty oblysy Shelek aýdany Malybaı aýylynda dúnıege kelgen.
1961 jyly Qazaq memlekettik ýnıversıtetin bitirdi. Eńbek jolyn mektepte muǵalimdik qyzmetten bastady, keıin Qazaq radıosynda dıktor boldy. Qazaqstan Jazýshylar odaǵynda ádebı keńesshi mindetterin atqardy. 1986 jyldan hatshy bolyp isteıdi.
«Osylaı ómir súrgim keledi» atalatyn alǵashqy povesi 1965 jyly jaryq kórdi. «Muny umytýǵa bolmaıdy» (1969), «Solmaıtyn gúl» (1977), atty povester men áńgimeler jınaqtary, «Jalǵyz jalbyz» (1987), «Idıkýt» romany jaryq kórgen. «Ólmeıtinder» (1973), «Maqamshy» (1979), «Dıhan» (1984), «Jylpos» (1987) pesalary Uıǵyr mýzykalyq komedııa teatrynda qoıyldy.
Shyǵarmalarynda adamgershilik, parasat, adal eńbek, adamǵa adamnyń meıirbandyǵy, dostyǵy, kertartpa salt-sanamen kúres sııaqty áleýmettik jáne qoǵamdyq máseleler kóteriledi. Q.Shańǵytbaevtyń «Oı, jigitter-aı» komedııasyn, G.Lorkanyń «Qandy qudalyq» pesasyn uıǵyr tiline (1970) tárjimalady. Birqatar shyǵarmalary qazaq jáne orys tilderinde oqyrmanǵa jetti.
