Qazaq horeografy túsirgen «Kıeli bı» fılmi álemdik kınofestıvalde kórsetiledi
NUR-SULTAN. QazAqparat – Qazaqstandyq horeograf túsirgen fılm bedeldi kınofestıvalder irikteýine ótti, dep habarlaıdy QazAqparat 24.kz arnasyna silteme jasap.
«Kıeli bı» ataýymen shyqqan eksperımentaldy art-kartına Nıý-Iork qalasyndaǵy kóne Dance on Camera festıvaline, sondaı-aq Kann kınofestıvaliniń baıqaýdan tys baǵdarlamasyna ótti.
Bul fılm Mańǵystaýda túsirilgen. «Kıeli bıdiń» tamasha peızajdarynyń bir óńirde ornalasqanyna sený qıyn. Kartına avtorlary – Frantsııada turyp jatqan balerına jáne horeograf Dana Musa, sondaı-aq halyqaralyq entýzıastar komandasy. Kınoperformans olardyń jeke qarajatyna jasalyp, birinshi kórsetilimi Aqtaý qalasynda ótken.
Bastamashylardyń oıynsha, bul joba adamnyń tabıǵatpen jaqyndyǵy, áıel bastaýynyń mańyzy men kúshi, sondaı-aq kóshpeli halyqtyń dene jáne rýhynyń erkindigi jaıynda eske salýy tıis.
Bul taqyrypta túsirilgen art-tájirıbe álemdik deńgeıdegi kınosarapshylar arasynda suranysqa ıe.
«Barlyq jobalarym bir-birine uqsas – bul tabıǵatpen baılanys, áıel erkindigi, onyń óz denesimen úılesimdiligi. Sebebi onda meniń jeti arhetıpim bar, onyń árqaısysynda men baıandaımyn, kórsetemin, bıleımin. Bul men úshin óte mańyzdy. Áıel denesiniń ár bóligi, árbir santımetri – kıeli, fılmniń «Kıeli bı» dep atalýy da sondyqtan», - dep atap ótti fılmniń avtory.
