Qazaq hırýrgy jasandy adam terisin ósirýdi oılap tapty
ASTANA. QazAqparat - Qazaq hırýrgy álemdik deńgeıdegi jańalyq ashty. Qabylbek Ábýǵalıev mal terisin paıdalaný arqyly jańadan adam terisin ósirip shyǵarýdyń jolyn tapqan. Onyń bul tyń jańalyǵy otandyq medıtsınada kishigirim sensatsııa retinde baǵalanyp otyr.
Adamnyń dene jaraqatyn jazý úshin qoldanylatyn bul ónim kádimgi sıyrdyń terisinen alynady. Arnaıy bıologııalyq óńdeýden ótken soń kúıik shalǵan nemese jaraqat alǵan jerge japsyrsa, adam terisi ózdiginen ósip shyǵady. Bul preparatty jasap shyǵarýǵa ǵalym 3 jyldaı ýaqytyn jumsaǵan. Qazirge deıin 30-dan astam adamǵa tájirıbe retinde ota jasalyp, barlyǵy sátti aıaqtalypty. Tipti, denedegi jarasy 10 jyldap jazylmaı júrgen naýqastar da qulan-taza aıyǵyp shyqqan. Aıtýynsha, eger qoldanysqa enetin bolsa, baǵasy da arzanǵa túspek.
Sý jańa dárilik ónimge ázirge «Ksenograft» dep at qoıylypty. Eger joba memleket tarapynan qarjylandyrylyp jatsa, bul dárimen búkil eldi qamtýǵa bolady, dep jazady KTK.
«Zerthanalyq óńdeý arqyly teriniń quramyndaǵy mal jasýshalary túgel joıylady. Sóıtip, adam terisiniń ósýin jyldamdatatyn zattar engiziledi. Bul ónim dene jaraqatyn syrtqy mıkrobtardan qorǵap, asqynýyn toqtatyp, jazylyp ketýin jyldamdatady», - deıdi Qabylbek Ábýǵalıev.
