Qazaq handyǵynyń 550 jyldyǵyna oraı Islam hrestomatııasy shyǵarylady
ASTANA. QazAqparat - Qazaqstan musylmandary dinı basqarmasynyń Ǵulamalar keńesinde Qazaq handyǵynyń aıtýly 550 jyldyq mereıtoıyna oraı qazaq topyraǵynda san ǵasyrdan beri jalǵasyp kele jatqan dástúrli dinimizdiń asyl qundylyqtary týraly arnaıy ǵylymı Islam hrestomatııasyn shyǵarý qajettigi aıtyldy.
Bul týraly QMDB baspasóz qyzmeti habarlady.
Bas múftı Erjan qajy Malǵajyulynyń bul bastamasyn Ǵulamalar keńesiniń músheleri biraýyzdan qoldady. Ǵylymı kitapqa orta ǵasyrlyq kezeńdegi, qarahandyqtar, Altyn Orda - Qypshaq dáýirindegi, Qazaq handyǵy tusyndaǵy dinı eńbekter, dastandar men rýhanı shyǵarmalar enedi.
«Islam hrestomatııasyn shyǵarýdaǵy maqsatymyz - ótkennen sabaq alý, jastardy ımandylyqqa, adamgershilikke, izgilikke, birlikke, Otansúıgishtikke tárbıeleý», - dedi QMDB tóraǵasy Erjan qajy Malǵajyuly.
Keńes otyrysynda Islam hrestomatııasyn qasıetti Ramazan aıynda shyǵarý josparlandy.
