QAZAQ HANDYǴYNYŃ 550 JYLDYǴY: Vıtse-premer «Kóne Taraz» nysandarynda táýlik boıy jumys isteýge keńes berdi (FOTO)
Tarazda vıtse-premer «Qazaq handyǵy» monýmentin ornatatyn jerge baryp, eskertkishtiń ornalasýynyń eskızdik ázirlemelerimen tanysty, dep habarlaıdy QR Premer- Mınıstriniń baspasóz qyzmeti.
Odan keıin B.Saparbaev elimizdiń basqa óńirleri salyp jatqan nemese jóneýden ótkizip jatqan nysandardy aralady. Atap aıtqanda, kirý arkasyn jóndeý jáne eki barelefti salý barysyn tekserdi. Jumystar Ońtústik Qazaqstan oblysynda júrgizilip jatyr. Sondaı-aq, ol Táýke han kóshesindegi (Pavlodar oblysy) jáne Jambyl dańǵylyndaǵy (Aqtóbe oblysy) kópirlerdi jóndeý, tuńǵysh Prezıdent saıabaǵy janyndaǵy (Atyraý oblysy), «Taraz» qonaq úıiniń aldyndaǵy (Mańǵystaý oblysy), avtovokzal janyndaǵy (Soltústik Qazaqstan oblysy) gúlzarlardy abattandyrý barysymen tanysty. Sosyn B.Saparbaev drama teatry ǵımaratyndaǵy jóndeý jumystary, «Dańq alleıasy» qurylysy, Qarahan baba mavzoleıi janyndaǵy gúlzardy abattandyrý barysyn qarap shyqty (Qyzylorda jáne Qostanaı oblystary). «Kóne Taraz» tarıhı-mádenı ortalyǵynda ol arheoloııalyq jáne restavratsııa jumystary, mýzeı, etnoortalyq, «Taraz sazdary» stellasy qurylysy, «Myńbulaq» gúlzaryn abattandyrý barysymen tanysty (Batys Qazaqstan oblysy jáne Almaty qalasy). TarMÝ-de B.Saparbaev oblys ákimderiniń orynbasarlarymen, aýdan ákimderimen, basqarma, aýmaqtyq departament, oqý oryndary, kásiporyndar men bıznes qurylymdar basshylarymen Qazaq handyǵynyń qurylýynyń 550-jyldyǵyn merekeleýge daıyndyq máseleleri boıynsha keńes ótkizdi. «Memleket basshysy Qazaq handyǵynyń mereıtoıyn merekeleýge ortalyq, sondaı-aq óńirlik deńgeıde ýaqytyly daıyndalýdy tapsyrdy. Atalǵan is-sharany jastardy patrıottyq tárbıeleý jáne memlekettilikti nyǵaıtý rýhymen ótkizý mańyzdy», - dedi B.Saparbaev. Sonymen qatar, vıtse-premer birqatar oblystar josparlanǵan jumystardy baıaý júrgizip jatqandyǵyn aıtyp ótti. Atap aıtqanda, ShQO jáne Almaty qalasy ákimdigi jumystyń tek 5%-yn oryndasa, elorda ákimdigi áli jumysty bastamaǵan. «Bizge barlyq nysandardy sapaly jáne ýaqytynda aıaqtaý qajet. Oǵan qosa, ákimdikter qarajatty tıimdi paıdalanyp, oǵan demeýshilerdi tartýy tıis», - dep basa aıtty ol. Kúnniń ekinshi jartysynda jumys sapary Jýaly aýdanynda jalǵasyn taýyp, onda B.Saparbaev «Burnoe Solar» kún elektr stantsııasynyń jumysymen tanysyp, áleýmettik, bilim berý jáne sport nysandaryn aralady, B.Momyshulynyń mýzeıinde bolyp, áleýmettik sala qyzmetkerlerimen kezdesti. Kezdesý barysynda vıtse-premer jańa oqý jylyna ýaqtyly daıyndalý boıynsha sharalar qabyldaýdy tapsyryp, aǵymdaǵy memlekettik baǵdarlamalardy júzege asyrý arqyly áleýmettik problemalardy sheshýge basa nazar aýdardy.