Qazaq handyǵynyń 550 jyldyǵy men Esenberlınniń 100 jyldyǵy arasynda tikeleı baılanys bar - A. Qashqymbaev
ASTANA. QazAqparat - Qazaq handyǵynyń 550 jyldyǵy men Esenberlınniń 100 jyldyǵy arasynda tikeleı baılanys bar. Búgin «Qazaq handyǵynyń jarshysy» atty taqyrypta ótken jıynda dańqty jazýshynyń shyǵamashylyǵyna qatysty Esenberlıntanýǵa den qoıyp, onyń ómirin zerttep júrgen, tarıh ǵylymdarynyń kandıdaty, dotsent Amangeldi Qashqymbaev osylaı málimdedi.
«Jalpy Qazaq handyǵynyń 550 jyldyǵy turǵysynan alsaq, munyń búgingi atalyp jatqan І.Esenberlınniń 100 jyldyǵynyń arasynda tikeleı baılanys bar. Óıtkeni, Esenberlınniń uly jazýshylyqqa qoly qalaı jetti? Ult tarıhyna qatysty teńdessiz trılogııany jazý arqyly jetken bolatyn. Al trılogııany ne deıtin bolsaq, bul - qazaq ultynyń ortalyqty qurýy, onyń odan arǵy taǵdyry, jaǵdaıy men bolashaǵy», - deıdi A. Qashqymbaev.
Onyń sózine qaraǵanda, osy Qazaq handyǵy turǵysynan alǵanda Esenberlın shyǵarmalary óte qundy bolyp tabylady ári onyń mańyzy eshqashan da joıylmaq emes.
Eske sala keteıik, Іlııas Esenberlın - qazaq ádebıetinde ónimdi eńbek etken asa kórnekti jazýshylardyń biri, aqyn, stsenarıst, dramatýrg, Qazaq KSR-nyń Memlekettik premııasynyń laýreaty.
