«Qazaq handyǵynyń 550 jyldyǵy» atty 10 bólimnen turatyn derekti fılmniń túsirilimi aıaqtaldy

ASTANA. QazAqparat - «Qazaq handyǵynyń 550 jyldyǵy» atty 10 bólimnen turatyn derekti fılmniń túsirilimderi aıaqtaldy. Bul týraly búgin Ortalyq kommýnıkatsııalar qyzmetindegi brıfıngte QR Mádenıet jáne sport mınıstrligi mádenıet jáne óner isteri departamentiniń dırektory Aqtoty Raıymqulova málim etti.

«Qazaq handyǵynyń 550 jyldyǵy» atty 10 bólimnen turatyn derekti fılm boıynsha búginde túsirilimder aıaqtalyp, óndiristik montajdaý kezeńi júrgizilip jatyr. Bul derekti fılmge elimizdiń jáne sheteldiń betke ustar ǵalymdary, aqyndar, rejısserler qatysty», - dedi A.Raıymqulova. Sonymen qatar ol bıyl shildede Qazaq handyǵynyń 550 jyldyǵyn toılaý aıasynda «Deshti-Qypshaq: Qupııa belgiler» dep atalatyn eki serıaly derekti fılm kórermenge jol tartqanyn eske salyp ótti. QR Mádenıet jáne sport mınıstrliginiń bastamasymen túsirilgen fılmniń stsenarıı avtory ári joba rejısseri - Baqyt Qaıyrbekov. Belgili bolǵandaı, jobanyń tolyq aıaqtalýy 10 jeltoqsanǵa josparlanyp otyr. Qazirgi ýaqytta atalǵan serıaldy efırge shyǵarý boıynsha «Qazaqstan» jáne «Eýrazııa 1» telearnalarymen kelisim jasalǵan kórinedi.