QAZAQ HANDYǴYNA 550 JYL: Tarıhı-tanymdyq ekspedıtsııa Jambyl oblysynyń aýdandaryna attandy
TARAZ. QazAqparat - Qazaq handyǵynyń 550 jyldyǵyn merekeleý aýqymynda jambyldyqtar óńirdiń tarıhymen jáne mádenı jetistikterimen tanystyrylady.
Oblystyq mádenıet, muraǵattar jáne qujattama basqarmasynyń bastyǵy Dúısenáli Byqybaevtyń aıtýynsha, «Máńgilik el» jalpyulttyq ıdeıasynyń qoldaýymen ekspedıtsııa «Qazaq handyǵy tý tikken jer» tarıhı-mádeknı jobasy retinde uıymdastyryldy.
«Tarıhı-tanymdyq ekspedıtsııa Jambyl oblysynyń barlyq 10 aýdanynyń eldi mekenderimen júrip ótedi. Ekspedıtsııa qatysýshylarynyń mindeti - otandyq tarıhty, ulttyq mádenıetti, halyq ónerin, halyqtyń aýyz ádebıetin nasıhattaý bolmaq. Ár aýdannyń qaıtananbas óz erekshelikteri men kórnekti jerleri bar», - dep atap ótti ol.
Ekspedıtsııa qatysýshylarynyń arasynda belgili jambyldyq dramatýrg jáne teatrtanýshy Álibek Ámzeuly, oblystyq qazaq drama teatrynyń dırektory Bolat Bekejanov, tarıhshylar, ólketanýshylar, etnograftar, sondaı-aq tarazdyq djıp-klýbtyń baıkerleri bar.
Ekspedıtsııa baǵdarlamasynda - aýdandyq tarıhı-ólketaný murajaılarynda bolý, aýdandar jurtshylyǵymen kezdesý, «dóńgelek ústel» otyrysyn ótkizý, Jambyl oblystyq tarıhı-ólketaný murajaıynyń eksponattarynan «Taraz - ǵasyrlar kýási» kórmesin ótkizý kózdelýde.
Jambyl oblysy Qazaq handyǵynyń 550 jyldyǵyn merekeleýge belsendi ázirlenýde. Aýqymdy qurylys jumystarymen qatar, mádenı-kópshilik sharalarynyń baǵdarlamasy ázirlenýde.
