Qazaq handyǵy tusynda zulym kúshtermen shaıqasqan jaýjúrek ańyz keıipkeri týraly komıks jaryq kórdi
ASTANA. QazAqparat - Qazaqstanda Qazaq handyǵy paıda bolǵan ýaqytta ómir súrgen, qara kúshpen (mystan, jalmaýyz kempir, jeztyrnaq, aıdahar jáne alyp jylandar) aıqasatyn sýpermen týraly komıks shyqty. Bul týraly Ekspress K jazady.
«Bul jobany ýnıversıtette oqyp júrgende, bes jyl buryn bastaǵanmyn, - dedi almatylyq sýretshi Mádıbek Musabekov. - Ótken jyly Ermek batyr jaıly alǵashqy komıks shyqty. Mundaı keıipker ómirde bolmaǵan, tek avtorlyq personaj. Ermek óte myqty, tabandy. Qazaq handyǵyn qara kúshten tazartýǵa járdemdesedi».
Mádıbek Musabekovtiń áleýmettik jelide paraqshasy bar, onda ol óz ıdeıalaryn jarııalap, jankúıerlerdiń pikirin saralaıdy. Reseılikter qazaqstandyq komıksterge joǵary baǵa bergen.
«Meniń komıksterimniń jasy 16 jáne odan joǵary, - dedi Musabekov. - ázirge olardy shynaıy baǵalaıtyndardy baǵdarǵa alýdamyn. Kelesi keıipkerlerim Qazaq handary - Jánibek pen Kereı bolmaq».
