Qazaq handyǵy týraly fılmniń alǵashqy serııalary jeltoqsanǵa qaraı shyǵady - Aqtoty Raıymqulova
«Ózderińiz bilesizder, kıno óndirisi óte kúrdeli. Onyń daıyndyq, túsirý merzimderi bar. Bizdiń úlken jobamyz, ıaǵnı Qazaq handyǵy týraly serıal daıyndyq merziminen ótip, búginde kıno óndiriske túsirilimder bastalyp jatyr. Sondyqtan qarajat sheginde josparlanǵan sharalar boıynsha jumystar júrýde. Jeltoqsanǵa qaraı birinshi serııalardy kóremiz degen úmittemiz»,-dedi departament basshysy.
Budan buryn habarlanǵandaı, jobanyń qoıylymy qıyn jáne ony júzege asyrý úshin aýqymdy jumystar atqaryldy. Bul turǵyda dekoratsııalyq, pavılondyq, ıntererlik jáne ekstererlik nysandardy jasaý qarastyrylǵan. Onyń ishinde Syǵanaq, Sozaq qamaldaryn, Almalyq qalasyn, handardyń saraılary men ózge de túsirilim nysandaryn, kıimderdi tigý, qajetti buıymdar men at ábzelderin daıarlaý, qarý-jaraq, kompıýterlik grafıkany ázirleý jáne basqa da sharalardy iske asyrý jumystary bar. Aıta keteıik, «Qazaq Eli» týyndysynyń rejısseri - Rústem Ábdirashev.
