«Qazaq handyǵy» fılminiń epızodtary túsirilgen Jarkent meshitine BAQ ókilderi arnaıy bardy
TALDYQORǴAN. QazAqparat - "Qazaq handyǵy" fılminiń epızodtary túsirilgen Jarkent meshitine BAQ ókilderi arnaıy bardy. Kópserııaly fılmde Moǵolstannyń bıleýshisi Esenbuǵanyń saraıy retinde túsirilim jumystary osy meshitte júrgizilgen, dep habarlaıdy QazAqparat tilshisi.
Murajaı qyzmetiniń məlimetinshe, túsirilim 2015 jyldyń kúz jəne qys mezgilderinde júrgizilgen.
130 jyldan astam tarıhy bar "Jarkent" meshitinde buǵan deıin de túrli fılmder túsirilgen. Máselen, "Epızod", "God drakona","Atamannyń aqyry" syndy týyndylardy atap ótýge bolady. Meshittiń irgetasy 1887 jyly qalanǵan. Qurylys jumystary bes jyl júrgizilgen. Onyń salynýyna uıytqy bolǵan uıymdastyrýshy sol zamandaǵy aýqatty saýdagerlerdiń biri - Ahýn ıÝldashev. Al meshit qytaılyq səýletshi Hon-Pıktiń jobasy boıynsha salynǵan. Jəne bul nysannyń qalanýyna halyq qarjyny ózderi jınaǵan. Bir de bir shegesiz salynǵan "Jarkent meshiti" búgingi tańda səýlet-kórkemóner murajaıyna aınalǵan. Qabyrǵalarynda quran súreleri jazylǵan nysanǵa kelýshi týrıster sany da jyl sanap ósýde. 1892 jyldan 1918 jylǵa deıin bul mekeme musylmandardyń meshit medresesi bolǵan.
Aıta ketý kerek, Almaty oblysynyń əkimdigi jəne oblystyq óńirlik kommýnıkatsııalar qyzmeti blog týr uıymdastyrdy.
Sharaǵa respýblıkalyq jəne oblystyq BAQ ókilderi, memlekettik mekemelerdiń baspasóz qyzmetkerleri jəne blogerler qatysýda. Eki kúnge jalǵasatyn is-sapar Uıǵyr jəne Panfılov aýdandarynda jalǵasady. Aıasynda qatysýshylar túrli nysandardyń jumysymen, mańyzdylyǵymen tanysady.
