«Qazaq handyǵy» fılmin túsirý jalǵasýda, qarjylandyrý máselesi tehnıkalyq sebepterden paıda boldy - A.Muhamedıuly

ASTANA. QazAqparat - «Qazaq handyǵy» fılmin túsirý jalǵasýda, qarjylandyrý máselesi tehnıkalyq sebepterden paıda boldy. Bul týraly QR Mádenıet jáne sport mınıstri Arystanbek Muhamedıuly QR Parlamenti 5-shi sessııasynyń ashylý rásiminen keıin ǵalamtorda jarııa etilgen daýly úntaspa jazbasyna qatysty túsinik berdi.

«Qazaq handyǵy» fılmin qarjylandyrý týraly suraq mınıstrge keńesten aýdıojazbada aıtylǵan fılm túsirýge bólingen qarjy qazirdiń ózinde de jumsalyp bitkeni týraly aqparat Internette paıda bolýyna baılanysty qoıylǵan bolatyn.

«Bul jerde eshqandaı qupııa bolǵan emes. Ol osydan shamamen 1 aı buryn ótken ashyq jıyn bolatyn, dıktafondar turdy. Shyndyǵynda ashyq áńgime júrgizildi. Bizderge eń bastysy protsesti alǵa ilgeriletý boldy. Másele nege ótkir tur? Ózderińiz de bilesizder, baspasózde bólingen aqshanyń qazirgi ýaqytta jumsalǵandyǵy, fılmniń toqtap qalǵany aıtylǵan edi. Al negizinen bólingen aqsha kesheýildetilgen bolatyn. Men tehnıkalyq kedergilerdiń shyǵý tórkinin anyqtap, sebepterin bilý úshin barǵan edim. Árıne, túrli zańdyq kelispeýshilikter oryn alǵan. Biz máselelerdi sheshtik», - dedi mınıstr BAQ ókilderiniń ǵalamtordaǵy Qazaq handyǵy serıalyna qatysty jıyndaǵy úntaspanyń jarııa etilýine qatysty saýalyna.

Onyń atap ótýinshe, Qazaq handyǵyna qatysty serıaldy túsirý júrip jatyr, onda Memleket basshysy da boldy, jýrnalıster de kórdi. «Bul shynynda da qyzyqty joba bolady dep oılaımyn. Bárimiz de bul jobany asyǵa kútýdemiz», - dedi ol.

Sonymen qatar mınıstr serıaldyń bas rejısseriniń basty rólderge óz týystaryn tyqpalaýyn qoldamaıtynyn da atap ótti, bul másele de sol jıynda aıtylǵan bolatyn.