«Qazaq handyǵy. Altyn taq» fılmi tuńǵysh ret teleekranǵa shyǵady
«Qazaq handyǵy. Altyn taq» fılminiń oqıǵa jelisi «Qazaq handyǵy. Almas qylysh» týyndysynyń jalǵasy retinde Kereı men Jánibek handardyń Ábilqaıyr Shaıbanı urpaqtarymen Syǵanaq úshin talasy tóńireginde órbıdi.
Aýqymdy tarıhı jobanyń avtory - QR Tuńǵysh Prezıdenti - Elbasy N.Á.Nazarbaev. Fılm stsenarııi Іlııas Esenberlınniń «Kóshpendiler» trılogııasynyń negizinde jazylǵan.
«Elorda kúnine oraı, Ulttyq arnanyń merekelik kestesine birneshe tusaýkeser jobalar engizildi. Solardyń biri - Rústem Ábdirashevtiń «Qazaq handyǵy: Altyn taq» kınodastany. Tarıhı týyndy «Qazaqstan» arnasynan senbi, 6 shilde kúni saǵat 17:10-da kórsetiledi», - dep habarlaıdy «Qazaqstan» RTRK» AQ baspasóz qyzmeti.
Esterińizge salsaq, «Qazaq handyǵy. Altyn taq» fılmi jalpyulttyq prokatqa osy jyldyń naýryz aıynda shyǵaryldy. Qazaq tarıhyndaǵy kúrdeli kezeńderdi sıpattaıtyn joba arqyly kórermen kóshpendi halyqtyń tynys-tirshiligine tereń úńile alady.
