«Qazaq handyǵy. Almas qylysh» fılmi Lıýksembýrgte kórsetiledi
Fılm Uly gertsogtyqtyń álemdik premeralar ótetin Utopolis záýlim kınoteatrynda qoıylady.
Qazaqstan men Lıýksembýrg yntymaqtastyq qaýymdastyǵynyń basshysy Nurgúl Tursynova Eýropa jurtyna kórsetý úshin nelikten Іlııas Esenberlınniń «Kóshpendiler» trılogııasynyń negizinde túsirilgen kınotaspa tańdalǵanyn túsindirdi.
«Fılmde Qazaq handyǵynyń qurylý tarıhy sóz bolady. Biz osyny eýropalyqtarǵa kórsetkimiz keldi», - deıdi N. Tursynova.
Kıno qoıylarda fılmniń rejısserin, prodıýserlerin ne bolmasa akterlerdi shaqyryp, fýrshet ótkizý josparlanyp otyr. Maqsat – kórermenderdiń fılmniń shyǵarmashylyq ujymymen tikeleı suhbattasýyna múmkindik berý.
Qazaqstan men Lıýksembýrg yntymaqtastyq qaýymdastyǵy byltyr N. Tursynova jáne onyń jubaıynyń bastamasymen qurylǵan. On jyldan beri sonda turatyn N. Tursynbaeva Qazaqstannyń elshiligimen tyǵyz baılanys ornatqan. Jalpy, Uly Gertsogtyqta 60-tan astam Qazaqstan azamaty turady.
«Lıýksembýrg halqy Frantsııa men Germanııaǵa etene jaqyn bolǵanymen, ózderiniń ulttyq daralyǵyn saqtap qalǵan. Osy jaǵynan alǵanda bular bizge uqsaıdy», - deıdi ol.
Onyń aıtýynsha, eger fılm Lıýksembýrgte tabysqa kenelse, Belgııa men Nıderlandta kórsetiledi.
Aıta keteıik, búgin Parıjde Frantsııadaǵy alǵashqy qazaq kınofestıvali bastaldy. 26-29 qyrkúıek aralyǵynda ótetin sharada «Qazaq handyǵy» da kórsetiledi.
Frantsııa astanasynda kınotaspadan bólek, Kann festıvalinde dańqqa bólengen «Aıka», qazaq jáne frantsýz kınematograftary birge túsirgen «Olma Djon» - uzyn-yrǵasy 10 kartına qoıylady.
Avtor: Tımýr Dúısekeev