«Qazaq handyǵy - 550: Máńgilik el - taǵdyrym» atty jazba aqyndardyń respýblıkalyq onlaın-músháırasy ótedi
ASTANA. QazAqparat - Qazaqstan Respýblıkasy Investıtsııalar jáne damý mınıstrligi «Qazkontent» AQ «Ádebıet portaly» ınternet jobasynda onlaın túrde Aqmola oblysynyń bilim basqarmasy janyndaǵy J.Mýsın atyndaǵy pedagogıkalyq kolledjiniń uıymdastyrýymen «Qazaq handyǵy - 550: Máńgilik el - taǵdyrym» atty jazba aqyndardyń respýblıkalyq onlaın-músháırasy ótkiziledi. Qatysýshylardyń qujattary 2015 jylǵy tamyz aıynyń 15-ne deıin qabyldanady. Bul týraly «Ádebıet portaly» habarlap otyr.
Uıymdastyrýshylardyń aıtýynsha, sharanyń maqsaty qazaq handyǵynyń 550 jyldyǵyn merekeleýdiń máni men búgingi tańdaǵy tarıhı mańyzyn ashý, Tonykók abyz tasqa qashap, Asanqaıǵy armandaǵan, keshegi Alash qaıratkerleri ósıet etken, búgingi qazaq urpaǵy júzege asyrýǵa sert berip, bel býǵan «Máńgilik el» muratyn jas urpaqqa nasıhattaý. Sonymen qatar, batyr babalarymyz Qabanbaı, Bógenbaı, Baıan, qaharman handarymyz Qasym han, Haqnazar, Táýekel, Esim han, Áz-Táýke, Abylaı han men Kenesarynyń erlik isterin jáne eldiń birligin danalyǵymen uıytqan bı-sheshenderimiz Buqar jyraý, Nysanbaı jyraý, Tóle bı, Qazybek bı, Áıteke bılerdiń otansúıgish ónegesin jastarǵa úlgi etý.
Músháıranyń sharty boıynsha, Qazaq handyǵynyń 550 jyldyǵy men «Máńgilik el» ıdeıasy taqyrybynda jazylǵan 1 óleń jáne erkin taqyryptaǵy 1 óleń qabyldanady. Basqa da qosymsha sharttar «Ádebıet portalynda» berilgen.
