«Qazaq handary» atty jańa tarıhı-tanymdyq kitapqa sheteldikter tarapynan qyzyǵýshylyq artyp keledi
Bul týraly búgin Ortalyq kommýnıkatsııalar qyzmetindegi baspasóz máslıhatynda «Sardar» baspa úıiniń dırektory Ádil Qoıtanov málim etti.
Onyń sózine qaraǵanda, kitaptyń mazmuny tarıhı derekterge baı, sondaı-aq bezendirilýi túrli tústi. Qazirgi kezde týyndy jalpy jeti myń taralymmen shyqty.
«Kitap jaryqqa shyqqannan keıin bizge Polsha men Bolgarııadan habarlasyp, ony satyp alýǵa tapsyrys berdi. Sonymen qatar Polsha tarapy ony óz tilderine aýdarýǵa nıet bildirdi. Sonymen qatar biz ony qytaısha aýdarýǵa josparlap otyrmyz. Munymen qosa, sheteldegi qandastarymyz úshin kitapty tóte jazýmen shyǵarýdy qarastyrýdamyz. Qazirdiń ózinde suranys kóp bolǵandyqtan kitaptyń taralymyn arttyrý jospary bar»,-dedi Á. Qoıtanov.
Kitaptyń avtory, professor, tarıh ǵylymdarynyń doktory Bereket Káribaev bul týyndy qazaq, aǵylshyn jáne orys tilderinde jaryq kórgenin atap ótti.
«Kópshilikke túsinikti bolýy úshin tili qarapaıym jazyldy. ıAǵnı ǵylymı tilde emes, kópshilikke arnalǵan túsinikti tilde basyldy», - dedi ǵalym.
«Jaqynda ǵana jaryqqa shyqqan «Qazaq handary» kitaptyń tusaýkeseri ótkende boldy. Sony búgin kópshilikke tanystyrýǵa alyp kelip otyrmyz. Buryndary oqýlyqtar men basqa da zertteýlerde qazaqtyń handary týraly bar ekendigi týraly belgili boldy, biraq olardy júıeli túrde birinshisin, ekinshisin jáne úshinshisin retpen keltirip, sońǵy hanǵa deıin tolyq túrde zerttelmegen edi. Myna kitapta birtutas Qazaq memleketiniń, birtutas Qazaq handyǵynyń bıliginde bolǵan 17 han qamtyldy», - dedi B. Káribaev.
