Qazaq halyq aspaptary orkestri jańa maýsymyn ashady
ASTANA. 13 qyrkúıek. QazAqparat - Erteń, 14 qyrkúıekte Qazaq ulttyq óner ýnıversıtetiniń «Organ zalynda» «Anaǵa taǵzym» atty merekelik kontsertpen Qazaq halyq aspaptary orkestriniń HV kontserttik maýsymynyń ashylý keshi ótedi.
Bul týraly Astana qalasy ákimdiginiń Memlekettik fılarmonııasy habarlaıdy.
Sharada Qazaq halyq aspaptary orkestriniń oryndaýynda Dına, Dáýletkereı, Táttimbet, Abaı, Qazanǵap, Segiz seri, N.Tilendıev, Sh.Qaldaıaqov jáne taǵy da basqa tanymal avtorlardyń shyǵarmalary kórermenge jol tartady dep josparlanyp otyr. Orkestrdiń kórkemdik jetekshisi jáne bas dırıjeri,
Qazaqstannyń eńbek sińirgen qaıratkeri, professor Aıtqalı Jaıymov. Al dırıjeri N.Tilendıev atyndaǵy dırıjerlar konkýrsynyń laýreaty
Nurlan Bekenov. Sondaı-aq, kontserttik baǵdarlamaǵa elimizdiń belgili óner sheberleri qatysady.
