Qazaq halqynyń peıili men kóńili onyń dalasyndaı óte keń eken - amerıkandyq saıahatshy
ALMATY. 18 shilde. QazAqparat /Erlik Erjanuly/ - "Qazaqstan máńgilik meniń júregimde qalady", - dedi amerıkandyq baıker Dag Votke keshe Balqash kóliniń jaǵasynda ótken baıkerlerdiń 5-shi festıvali kezinde.
"Buryn Qazaqstan týraly eshteńe bilmeıtinmin. Qazir óz kózime ózim senbeımin. Ulanǵaıyr qazaq dalasymen qansha kún júrseń de onyń bir qıyrynan ekinshi shetine jete almaıdy ekensiń. Berlınde bastalǵan bul saparym Magadanǵa deıin sozylmaq. Buǵan deıin Shyǵys Eýropa arqyly Kavkaz ben Ortalyq Azııa elderinde boldym", - deıdi Dag Votke. Onyń aıtýynsha, onyń osy ýaqytqa deıingi saıahatynda eń uzaq joly Qazaqstan arqyly ótken. Sulýlyǵyn aıtýǵa til jetpeıtin bul ólkeniń turǵyndarynyń qonaqjaılyǵyn estigenmen dál munshalyqty dep eshqashan oılamaǵan. Árbir toqtaǵan jerinde olar joldyń barlyq jaı-japsaryn tápishtep túsindirip, meımandostyq peıilimen shyǵaryp salǵanda saıahatshylardyń júreginde qımastyq sezimi berik ornyǵa túsýde.
