«Qazaq halqynyń maqaldary men mátelderi» atty jańa kitaptiń tusaýkeseri
ALMATY. 14 naýryz. QazAqparat - Búgin Almatyda «Qazaq halqynyń maqaldary men mátelderi» degen jańa kitaptiń tusaýkeser rásimi bolyp ótti.
Kitap Ál-Farabı atyndaǵy Qazaq ulttyq ýnıversıtetiniń «Qazaq ýnıversıteti» baspasynan jaryq kórdi.
Basylymnyń jalpy redaktsııasyn basqarǵan, fılologııa ǵylymdarynyń doktory, professor Sultanǵalı Sadyrbaıulynyń aıtýynsha, kitaptyń basty erekshelegi - onda HVIII-HIH ǵasyrda Peterbýrg, Qazan, Orynbor, Omby, Almaty qalalarynda arab árpimen basylǵan jınaqtarda jarııalanǵan maqal-mátelderdiń tańdaýly úlgileri berilgen. «Sonymen qatar, bul kitapqa burynǵy jınaqtarǵa enbegen júzdegen jańa maqal-mátelder qosyldy. Olar Qazaqstan Ǵylym akademııasynyń qoljazbalar qorynan alyndy»,-dedi ol.
Tusaýkeser barysynda Sultanǵalı Sadyrbaıuly: «Maqal men mátelge baı halyqtyń biri - qazaq tili», dep atap ótip, «Qazaq halqynyń maqaldary men mátelderin jınaýda, zertteýde V.Radlov, A.V.Vasılev, P.M.Melıoranskıı, Á.Dıvaev, Sh.Ýálıhanov, Ó.Turmanjanov, S.Amanjolov sekildi ǵalymdardyń eńbegi zor. Alǵash ret qazaq maqaldary Eýropa halyqtaryna HІH ǵasyrda málim boldy. Maqal men mátel qustyń eki qanaty sekildi bir-birimen baılanysty. Biraq olardyń aralarynda azdaǵan ózgeshelikteri men aıyrmashylyqtary bolady. Máselen, maqal sózde adamnyń názik szimderi men tereń oılary ashyq aıtylady, dálme-dál kórsetilip, beınelenedi. Al, mátel sózdiń syry: belgili bir qubylysty astarlap, jumbaqtap, beınelep aıtady»,-dedi.
Shara barysynda professor tusaýkeserge jınalǵan stýdentterge birneshe halyq maqal-mátelderdi aıtyp, onyń negizgi oıy nede jatqandyǵyn túsindirip berdi.
Professor Sultanǵalı Sadyrbaıuly óziniń 50 jyldyq ustazdyq qyzmetinde qazaq halqynyń folklory men halyq aqyndary shyǵarmashylyqtary týrasynda dárister oqyp, uly aqyndar Súıinbaı men Jambyldyń ádebı muralaryn jınastyryp, jańasha kózqaras turǵysynan zerttep, jyr jınaqtaryn tom-tom etip birneshe dúrkin jaryqqa shyǵaryp júrgen ǵalym.
