Qazaq halqynyń mádenıtimen tereńirek tanysý úshin Qazaqstanǵa qaıta kelemin - IRho-nyń horvattyq qatysýshysy
ASTANA. QazAqparat - Qazaqstan halyqaralyq deńgeıdegi iri sharalardy ótkizý arqyly eldegi turaqtylyq pen damý qýatyn baıqatyp otyr. Bul jaıynda QazAqparat tilshisine bergen suhbatynda Fızıka boıynsha 45-shi Halyqaralyq olımpıadaǵa (IRho) qatysqan horvattyq Mate Vılıts málim etti.
«Aldaǵy ýaqytta múmkindik bolyp jatsa, qazaq halqynyń mádenıetin tereńirek taný úshin Qazaqstanǵa týrıst retinde ekinshi ret saparlaýǵa nıettimin», - dedi ol.
Mate Vılıts Qazaqstanmen jáne Astanamen, qazaq halqynyń mádenıetimen, memlekettiń jetistikterimen tanysýǵa arnalǵan sharalar oǵan umytylmastaı áser bergenin atap ótti.
Horvatııalyq meıman fızıkadan osy olımpıadaǵa ekinshi ret qatysyp otyrǵandyǵyn jáne bul bilim básekesiniń bıyl Qazaqstanda uıymdastyrylýy deńgeıi osynyń aldyndaǵy olımpıadaǵa qaraǵanda joǵary ekenin jetkizdi.
«Qazaqstannyń budan ary qaraı gúldene berýin tileımin. Sonymen qatar elderińizde osyndaı iri halyqaralyq sharalar ótkizile bersin deımin. Sebebi, ózge elderdiń ókilderi qazaq halqynyń biregeı mádenıetimen jáne dástúrimen tanysýǵa múmkindik alady», - deıdi ol.
Birneshe kúnnen beri jas fızıkter 2 týrǵa qatysyp, teorııalyq jáne eksperımenttik turǵyda qazirgi zamanǵy fızıka salasynda ózderiniń bilim deńgeıin kórsetti. Eki týrdyń qorytyndysy boıynsha 45-shi IPhO-nyń halyqaralyq qazylar alqasy jeńimpazdar men júldegerlerdi anyqtady.
Jeńimpazdardyń esimderi búgin tústen keıin Beıbitshilik jáne kelisim saraıynda marapattaý rásiminde belgili bolady.
