Qazaq halqynyń keńpeıildiligi ǵasyrlar boıy qalyptasyp, damyp kele jatqan asa qundy qasıet - Murat Jurynov
ALMATY. 7 mamyr. QazAqparat - Qazaq halqynyń qonaqjaı, keńpeıildiligi ǵasyrlar boıy qalyptasyp, damyp kele jatqan asa qundy qasıet.
Bul jaıly búgin Almatyda ótip jatqan «Ózara túsinisý fılosofııasy - qazaqstandyq qoǵamnyń rýhanı kelisiminiń negizi» dep atalatyn halyqaralyq ǵylymı-tájirıbelik konferentsııada aıtyldy.
«Qoǵam ishindegi túsinistik árdaıym birinshi orynda bolý kerek. Biz kóbinese kópultty memleketpiz dep aıta beremiz. Árbir etnos óziniń elinen, jerinen kelip Qazaqstanda turyp jatqandaı teris uǵym týady. Osyny eskermeımiz. Eger biz sııaqty etnos sanyn sanaıtyn bolsaq kez kelgen memlekette 120-dan kem ult pen etnos bar. Monoultty el sanalatyn Armenııanyń ózinde bizdiń qaǵıdatpen sanaıtyn bolsaq 120 emes, 140 etnos shyǵady», - deıdi QR UǴA Prezıdenti Murat Jurynov. Onyń aıtýynsha, qazaq eli Uly Jibek joly arqyly el men eldiń, jurt pen jurttyń jaqyndasýyna óz yqpalyn tıgizdi. Onyń keńpeıil, qonaqjaı peıili darhan dalasyndaı keń. Biz ony árdaıym maqtan tutyp, álemge pash etýimiz kerek. Bul jumysta fılosoftardyń róli zor.
