Qazaq halqynyń búgingideı jetistikke jetýi, eldiń birligi men uıysqandyǵynyń arqasy - D.Qamzabekuly

ASTANA. 19 sáýir. QazAqparat - «Qazaq halqynyń búgingideı jetistikke jetýi, eldiń birligi men uıysqandyǵynyń arqasy»,- deıdi L. Gýmılev atyndaǵy Eýrazııa ulttyq ýnıversıtetiniń prorektory, belgili Alash tanýshy ǵalym Dıqan Qamzabekuly.

Bul týraly ol búgin «Etnıkalyq tózimdilik pen etnıkalyq stereotıpter» atty dóńgelek ústel otyrysynda aıtty.

 Ǵalymnyń pikirinshe, Qazaqstan táýelsizdiktiń 20 jylynda birshama qıyndyqtardy bastan ótkerip, qazir olardy bir saraptap shyǵatyn kez keldi. «Arǵyǵa barmaı qazaq handyǵynan bastaıyq. Jánibek pen Kereı qazaq handyǵyn qurǵan ýaqytta sanymyz qansha edi, qazir qansha? Osy jetistikterdiń barlyǵy eldiń birligi men uıysqandyǵynyń arqasy. Jalpy qazaq degen sózdiń tegi erkin, demokratııaly, azat degen sııaqty sózderdiń barlyǵyna jaýap beredi. Osyny biz azamattarymyzǵa tereń túsindire bilýimiz kerek»,-deıdi D.Qamzabekuly.