Qazaq halqynyń birqatar mádenı qundylyqtary ıÝNESKO-ǵa engizilýi múmkin
ASTANA. 23 qazan. QazAqparat - Qazaq halqynyń tórt mádenı qundylyǵy ıÝNESKO tizimine engizý týraly usynys jasaldy. Bul týraly búgin Astanada ıÝNESKO jáne ISESKO isteri boıynsha QR Ulttyq komıssııasy janyndaǵy Materıaldyq emes mádenı muralardy qorǵaý jónindegi ulttyq komıtetiniń tóraǵasy Álibek Asqar málim etti.
Onyń aıtýynsha, álem boıynsha 5 jyldyń ishinde ıÝNESKO-nyń búkilálemdik tizimine 259 atalym engizilipti. Onyń kópshiligi Afrıka elderiniń, Ońtústik Azııa jáne Latyn Amerıkasy halyqtarynyń ulttyq qundylyqtary eken. Al Qazaqstan tarapynan áli de birde-bir nysan joq. «Sondyqtan osy baǵytta biz belsendi jumys isteýimiz kerek», - deıdi Á. Asqar.
Mamannyń habarlaýynsha, qazirgi ýaqytta Qazaqstan ıÝNESKO tizimine birqatar mádenı qundylyqtardy engizý týraly usynys tastaǵan. Tıisti qujattar Parıjdegi uıymnyń shtab-páterinde qaralýda.
«Birinshisi - qazaqtyń kúıshilik óneri. Kúıshilik - ózimizge ǵana, qazaqqa ǵana tán dúnıe. Sodan keıin - kıiz úı, ony jalǵyz biz emes, qazir qyrǵyz halqymen birigip jasap jatyrmyz. Sonymen qatar saıatshylyq ónerin engizýge usynys jasaldy. Onymen Arab elderi de, baıaǵy Eýropa patshalary da aınalysqan biraz elder bar eken. Biraq túz taǵysyna búrkit salǵan tek qazaqtar men qyrǵyzdar ǵana. Sondyqtan búrkitshilik saıatshylyqty engizip otyrmyz. Sondaı-aq Iran, Aýǵanstan jáne taǵy basqa kóptegen eldermen birge Naýryz meıramyn ıÝNESKO tizimine ótkizsek pe dep otyrmyz», - deıdi ulttyq komıtet basshysy.
ıÝNESKO tizimine usynys tastaý jylyna bir ret qana bolady. Sondyqtan aldaǵy jyldarda eń birinshi kezekte qazaqtyń joǵalyp bara jatqan salt-dástúrlerin, yrym-joralǵylaryn tizimge engizý maqsatynda jumystar atqarylyp jatyr. Keleshekte ıÝNESKO-ǵa qazaqtyń 18 mádenı qundylyǵyn engizý josparda bar. Eger bul dúnıeler búkilálemdik tizimge alynsa, olar memleket tarapynan, ıÝNESKO jaǵynan jiti qorǵalady, sonymen birge onyń saqtaý úshin qomaqty qarajat bólinip, jer júzine nasıhattalady.
