23:43, 13 Naýryz 2012 | GMT +6
Qazaq halqyna alǵys retinde eskertkish turǵyzylatyn bolady - QR Koreı qaýymdastyǵy
ALMATY. 13 naýryz. QazAqparat - Qazaq halqyna alǵys retinde eskertkish turǵyzylatyn bolady. Bul týraly QazAqparat agenttigine QR Koreı qaýymdastyǵynyń jaýapty hatshysy Zúlfııa Temirǵalıeva málim etti.
Eskertkish Almaty oblysy, Úshtóbe qalasynyń Bastóbe taýynyń eteginde boı kótermek. Bul jer 1937 jyly Qıyr Shyǵystan zorlyqpen jer aýdarylǵan koreılerdiń túsken jeri bolyp tabylady. Bıyl koreılerdiń Qazaqstanda turyp jatqanyna 75 jyl bolady.
Jer aýdarylǵan etnostar atynan qazaq halqyna alǵys retinde turǵyzylatyn eskertkish bıylǵy jyldyń 31 mamyrynda, Saıası qýǵyn-súrgin qurbandaryn eske alý kúni qarsańynda ashylady dep josparlanýda.
