Qazaq halqynyń synynan ótken opera ánshisine shetelde óner kórsetý qıyn emes - Áıgerim Altynbek
ASTANA. KAZINFORM – Qazaq halqy – óte synshyl halyq, onyń aldynan ótken ónerpaz álemniń kez kelgen elinde erkin óner kórsete alady. Bul týraly Kazinform agenttigine bergen suhbatynda jas opera ánshisi Áıgerim Altynbek aıtty.
— Bizdiń halyq óte saýatty. Qazaqstanda keremet jas opera ánshileri ósip kele jatyr. Al bizdiń halyqtyń synaǵynan ótken opera ánshileri álemniń kez kelgen óner kórsete alady, - dedi Áıgerim Altynbek.
Sondaı-aq ol ózi el aralap óner kórsetip júrgende baıqaǵan bir erekshelikti atap ótti.
— Qazaq halqy — óte synshyl halyq. Men Qazaqkontsertte jumys istep júrgende aýyldardy aralap óner kórsettik. Sol kezde meniń osyǵan kózim jetti. Bizdiń halyq ónerge óte úlken baǵa beredi. Biz sondaı synaqtardan ótkennen keıin shetelderde óner kórsetý azdap jeńil boldy, - deıdi jas ánshi.
Aıta keteıik, Áıgerim Altynbek búgingi tańda Italıanyń Parma qalasyndaǵy Arrıgo Boıto atyndaǵy konservatorııanyń 2-kýrs stýdenti.
Sonymen qatar qazirgi kezde túrli álemdik baıqaýlarǵa qatysyp, úzdikter qatarynan kórinip júrgen, bolashaǵynan zor úmit kúttiretin jas talant.
Buǵan deıin opera ánshisi Áıgerim Altynbek bir adamdy kýmırim dep aıta almaıtynyn jetkizdi.