Qazaq halqyn danyshpan dep aıtsaq, qatelespeımiz – Qasym-Jomart Toqaev

ASTANA. KAZINFORM – Memleket basshysy qazaq halqynyń danyshpandyǵyna qatysty túsinik berdi.

- Kórnekti qalamger Tólen Ábdiktiń jyl basynda «Egemen Qazaqstan» gazetine bergen suhbatyn atap ótkim keledi. Jazýshy «Atanyń balasy bolma, adamnyń balasy bol» dep, oryndy pikirin aıtty. Osy jerde aıtarym: óz ultyńdy ózgelerden bıik qoıý túptiń túbinde jarǵa jyǵady. Qazaq halqy ózgelerden kem emes, bul – aqıqat, biraq artyq ta emes dep aıtýymyz kerek. Qazaq halqyn danyshpan dep aıtsaq, qatelespeımiz, - dedi Qasym-Jomart Toqaev ulttyq quryltaıda. 

Prezıdent málimdegendeı, degenmen dúnıe júzinde danyshpan halyqtar az emes, ol – aqıqat. 

- Mundaı pikir keıbir adamǵa unamaýy múmkin. Alaıda kópshiliktiń kóńilinen shyǵamyn dep, týra sózden jańylýǵa bolmaıdy. Shyn máninde ár el basqa jurttan damý deńgeıine qaraı ozbaq. Jalpy biz tól tarıhymyzǵa kókjıegi keń, tamyry tereń órkenıettik kózqaraspen qaraýymyz kerek. Bul – óte mańyzdy. Sonda ǵana halqymyzdyń ótkenine, búgini men bolashaǵyna múlde jańa kózqaras paıda bolady, - deıdi Memleket basshysy. 

Buǵan deıin Memleket basshysy Qasym-Jomart Toqaev elimizde Abaı ınstıtýtyn quryp, seriktes elderde tól mádenıetimizdi nasıhattaıtyn ortalyqqa aınaldyrýdy tapsyrdy.