Qazaq Gýmanıtarlyq-Zań Ýnıversıteti tegin oqýǵa ıntellektýaldyq baıqaý jarııalady

Baıqaý Abylaı hannyń 300 jyldyǵy men Qazaqstan Respýblıkasy Táýelsizdiginiń 22 jyldyǵyna arnalyp otyr. Onyń negizgi maqsaty - qazaq tili men Qazaqstan tarıhyn damytýǵa atsalysý. Eki kezeńnen turatyn bul saıysqa orta mektepter men lıtseı jáne gımnazııalardyń bitirýshi synyptarynyń oqýshylary qatysa alady. https://www.kazguu.kz/ saıtyna tirkelgen olar baıqaýdyń alǵashqy «Dıstantsııalyq kezeńinde» uıymdastyrýshylarǵa 21 qarashaǵa deıin elektrondyq jáne jazbasha túrdegi esselerin joldaýy kerek. Ekinshi «Emtıhan» kezeńinde olar 13 jeltoqsanda joǵary oqý ornynyń bas korpýsynda qazaq tili men Qazaqstan tarıhy bilimderinen test tapsyrady. Odan súrinbeı ótkender ǵana sóıleý mádenıeti men oı-órisin tekserý úshin áńgimelesý synaǵyna jiberiledi. Bul saıysta úzdik shyqqan 22 oqýshy Qazaq Gýmanıtarlyq-Zań Ýnıversıtetinde tegin joǵary bilim alýǵa múmkindik alady.