Qazaq Geografııalyq Qoǵamy «Álıhan Bókeıhan izimen» atty ekspedıtsııa uıymdastyrady
ASTANA. QazAqparat - Bıyl Qazaq tarıhyndaǵy kórnekti tulǵanyń biri, «Alash» ult azattyq qozǵalysynyń negizin qalaýshy, qoǵam qaıratkeri Álıhan Bókeıhannyń týǵanyna 150 jyl toldy.
Álıhan Bókeıhan - qoǵam qaıratkeri ǵana emes, saıasatker, aǵartýshy, jýrnalıst, qazaq tilindegi alǵashqy geografııa oqýlyǵynyń avtory, etnograf, Orys geografııalyq Qoǵamynyń múshesi. ıÝNESKO kóleminde atalyp ótip jatqan mereıtoı aıasynda búginde Reseı men Túrkııada aıtýly sharalar bolyp ótti. Qazaqstanda da álem moıyndaǵan Alash zııalysynyń ómirin, shyǵarmashylyq jolyn, saıası tuǵyryn tanytarlyq, Alash kóseminiń san túrli ónerdi boıyna jıǵan jan-jaqty qyryn asharlyq konferentsııalar men dóńgelek ústelder ótkizilip, sharalar uıymdastyrylýda.
Bul álemdik sharadan Qazaq Geografııalyq Qoǵamy da tys qalmaı, «Álıhan Bókeıhan izimen» atty ekspedıtsııa uıymdastyrýdy josparlaýda, dep habarlady Feısbýktegi paraqshasynda. Quramyna Aıgúl Іsimaqova, Qaıyrbek Kemeńger, Aıjan Hamıt, Eldos Toqtarbaı sekildi t.b. jetekshi alashtanýshylar men tarıhshylar tartylǵan ekspedıtsııa Aqtoǵaıdan bastalyp, Qarqaraly, Semeı, Omby, Sankt-Peterbýrg, Mınsk, Samara, Orynborda bolyp, baǵdaryn Máskeýde aıaqtamaq.
Ekspedıtsııanyń maqsaty - Álıhan Bókeıhannyń ómir jolyn keń arnada tanystyrý, oqyrmandarǵa eńbekterin tanytý, Alash kóseminiń el erkindigi úshin istegen eren eńbegin nasıhattaý. Sondaı-aq áli kópshilik qaýymǵa málim bola qoımaǵan dáıekter men qujattar izdestirý bolmaq.
