Qazaq geografııa qoǵamynyń alpınısteri Ortalyq Tıan-Shandaǵy alǵashqy 2 baǵyttan ótti

Olar ótken jeksenbide 3B dárejeli 4400 metrlik Zertteýshi jáne 5A dárejeli  4515 metrlik Baıchesekeı shyńdaryna kóterildi. Sondaı-aq Reseıdiń Tomsk qalasynyń shyńǵa órmeleýshisin qutqarý  jumysyna qatysyp, tehnıkalyq alpınızm men qutqarý jumystary tehnıkasynan mindetti synaq tapsyrdy. Endi aldaǵy ýaqytta 5A dárejesindegi Koron shyńynyń barlyq bıikterine shyqpaq.

«Múmkindik shegindegi táýekel» dep atalatyn jańa joba aıasynda júzege asyrylyp jatqan bul ekspedıtsııa 5 shilde men 1 tamyz aralyǵynda ótedi. Bul sapar kezinde alpınıster komandasy Ortalyq Tıan-Shıan muzdyq alqabynyń ekologııalyq jaǵdaıyn zertteý boıynsha ǵylymı jumystar atqarady. Olar onda aýa-raıyn boljaý, óndiristiń qorshaǵan ortaǵa áseri men  ǵalamdyq jylynýdy zertteýshiler úshin topyraq pen qar úlgilerin jınamaq.