«Qazaq gazetteri» medıaholdıngi - 10 jasta
ALMATY. Naýryzdyń 11-i. QazAqparat /Ádilet Musahaev/ - Búgin Ál-Farabı atyndaǵy Qazaq Ulttyq ýnıversıtetinde «Qazaq gazetteri» JShS-nyń qurylǵanyna 10 jyl tolýyna baılanysty «Qazaqstan qoǵamyndaǵy aqparattyq úrdister: PR, BAQ menedjmenti jáne marketıngi» atty halyqaralyq ǵylymı-tájirıbelik konferentsııa ótti,
dep habarlaıdy QazAqparat.
QazUÝ-dyń jýrnalıstıka fakýlteti uıymdastyryp otyrǵan atalmysh sharaǵa Qazaqstan BAQ-taryndaǵy menedjment jáne marketıng: basymdyqtary men perspektıvalary talqylandy. Qazaqstandyq patrıotızmdi qalyptastyrýda ıdeologııa salasyndaǵy aqparattyq baılanystardy tıimdi basqarý mańyzdy oryn alyp otyr. Sondyqtan da memleketimizde aqparattyq qoǵamdy aıqyndaıtyn áleýmettik-mádenı úrdister: aqparattyq mádenıet, aqparattyq ekonomıka, aqparattyq saıasat jáne aqparattyq menedjment pen marketıng soraby osy bastan qalana bastaýy tıis.
Konferentsııaǵa elimizge tanymal jýrnalıster men túrli basylymdardyń redaktorlary qatysyp, ýnıversıtet qabyrǵasyndaǵy stýdentter men basylym arasyndaǵy qarym-qatynasty nyǵaıtý úshin jastardyń materıaldaryn gazet betterine jıi jarııalap turý jaıynda áńgime qozǵady.
Sonymen qatar, atalmysh salanyń túıindi máseleleri talqylanyp, bilikti BAQ menedjerleri stýdentterge arnap sheberlik synyptaryn ótkizýge kelisti.
