Qazaq ǵalymy joldy qysta da asfalttaıtyn ádis oılap tapty
ASTANA. QazAqparat - Qazaqstan jol ǵylymı zertteý ınstıtýtynyń ujymynan aqjoltaı aqparat kelip jetti, dep habarlaıdy «Almaty aqshamy» basylymy. Ǵalym Baǵdat Teltaev Reseı jaratylystaný ǵylymdary akademııasy tóralqasynyń sheshimimen kórnekti orys fızıgi, Nobel syılyǵynyń laýreaty Petr Kapıtsa atyndaǵy Altyn medalmen marapattalǵan.
Instıtýttyń jetekshisi, «QazjolǴZI» AQ prezıdenti, tehnıka ǵylymdarynyń doktory, professor, Ulttyq Ǵylym akademııasynyń qurmetti múshesi, Qazaqstan Respýblıkasy Ulttyq ınjenerler akademııasynyń jáne Halyqaralyq kólik akademııasynyń akademıgi, TMD jáne Qazaqstannyń qurmetti jolshysy Baǵdat Burhanbaıuly Teltaev Reseı jaratylystaný ǵylymdary akademııasy tóralqasynyń sheshimimen kórnekti orys fızıgi, Nobel syılyǵynyń laýreaty Petr Kapıtsa atyndaǵy Altyn medalmen marapattaldy.
Baǵdat Burhanbaıuly bul joǵary marapatqa «Tómengi temperatýraly jaryqshaqtaný kezinde asfaltbetondy jol tóseminiń ózin-ózi qurý zańdylyǵy» atty ǵylymı eńbegi úshin ıe bolyp otyr. Bul ǵylymı jańalyq avtomobıl joldary salasyndaǵy eń alǵashqy ǵylymı jańalyq bolyp sanalady. B.Teltaevtyń jańalyǵynda termodınamıkanyń qaıtymsyz úrdisi men sınergetıka negizinde temperatýralyq jaryqshaqtary bar asfaltbeton jol jamylǵysy, termodınamıkalyq júıeniń syrtqy áserlerge beıimdelýiniń túri bolyp keletin erekshe dısspatıvtik qurylym ekendigi dáleldengen. Atalmysh zańdylyq, sondaı-aq, jaryqshaqtar sanyn aldyn ala boljaýǵa jáne ártúrli aýa raıy men klımattyq jaǵdaıda asfalbeton quramyn tańdaý arqyly jaryqshaqtar sanyn kemitetin jobalar jasaýǵa múmkindik beredi.
