Qazaq ǵalymy Kembrıdj ýnıversıtetiniń ekonomıka salasyndaǵy aıyryqsha ereksheliktegi medalimen marapattaldy

ALMATY. 5 mamyr. QazAqparat  - Qazaq ǵalymdary arasynda tuńǵysh ret akademık  Saǵyndyq Satybaldın  Kembrıdj ýnıversıtetiniń Halyqaralyq bıblıografııalyq ortalyǵynyń  ekonomıka salasyndaǵy aıyryqsha erekshelik medalimen marapattaldy.

 Ony keshe Almatyda Almaty qalasynyń ákiminiń orynbasary  Serik Seıdýmanov saltanatty jıynda tabys etti. Ol QR UǴA akademıgi, ekonomıka ǵylymdarynyń doktory, Ál-Farabı atyndaǵy Qazaq ulttyq ýnıversıtetiniń Ekonomıka jáne bıznes joǵary mektebiniń «Esep jáne aýdıt» kafedrasynyń professory  Saǵyndyq Satybaldyulynyń  75 jasqa jáne ǵylymı-pedagogıkalyq qyzmettine  50 jyl tolýyna arnalǵan shara bolatyn.

Saǵyndyq Satybaldyuly osy ýaqytqa deıin 500-den astam ǵylymı eńbekterdi, 20-dan astam  monografııalar shyǵarǵan elimizdiń ekonomıka salasyndaǵi bilikti ǵalymdarynyń biri. Onyń eńbekteri  TMD elderi men AQSh, Vetnam, Japonııa, Bolgarııa, Shvetsııa sııaqty alys shet memleketterde  jaryq kórip júr.