Qazaq ǵalymdary Vatıkan kitaphanasyndaǵy túrki tarıhyna qatysty qoljazbalardy zertteýge múmkindik alady
Ǵylym jáne joǵary bilim mınıstri Saıasat Nurbek Vatıkannyń Qazaqstandaǵy Elshisi Frensıs Assızı Chýllıkatpen kezdesýinde oǵan osyndaı ótinishin aıtty.
Kezdesý barysynda Mınıstr Qazaqstannyń joǵary bilim berý júıesinde bolyp jatqan reformalar týraly aıtty.
Óz kezeginde Chýllıkatt myrza Vatıkan men Qazaqstan arasyndaǵy ózara yntymaqtastyq týraly sóz qozǵady.
- Joǵary bilim berý júıesi qoǵamnyń progressıvti damýyna negizgi áser etedi, - dep atap ótti Frensıs Assızı Chýllıkat.
Ǵylym jáne joǵary bilim mınıstri Saıasat Nurbek Vatıkan elshisin qazaqstandyq ǵalymdardyń sheteldik joǵary oqý oryndarynyń ǵylymı zertteýlerine qatysýyna yntalandyrýǵa baǵyttalǵan «500 taǵylymdama» baǵdarlamasy týraly habardar etti jáne Qazaqstandyq ǵalymdardyń Vatıkan kitaphanasynyń ejelgi qoljazbalaryna qol jetkizýine járdem kórsetýdi surady.
- Qazaqstandyq ǵalymdardyń Vatıkan kitaphanasyna qoljetimdiligi túrki áleminiń tarıhyn tereńirek zertteýge múmkindik beredi, - dep atap ótti Saıasat Nurbek.
Osy jyldyń maýsym aıynda Nur-Sultanda ótken Halyqaralyq Túrki akademııasynyń ǵylymı keńesiniń V otyrysynda túrki áleminiń jalpy oqý quraldary, sonyń ishinde «Ortaq túrki tarıhy» oqýlyǵy boıynsha qorytyndy sheshim qabyldanǵan edi.
Foto: QR Ǵylym jáne joǵary bilim mınıstrligi
