Qazaq ǵalymdary Nobel syılyǵyn qashan alady — mınıstr pikiri
ASTANA. KAZINFORM — Quryltaı otyrysynan keıingi brıfıngte jýrnalıster Ǵylym jáne joǵary bilim mınıstrine «Qazaq ǵalymdary jýyq arada Nobel syılyǵyn ala ma?» degen suraq qoıdy.
Saıasat Nurbek jaýabynda qazaq ǵylymynda túbi bir úlken serpilis bolatynyna senetinin aıtty.
— Qazir álemde báseke kúsheıip bara jatyr. Azııa elderiniń ǵylymy da qaryshtap ketti. Biz bilim berý jáne zertteý úderisine jasandy ıntellektini engizý baǵytynda úlken jumystar atqaryp jatyrmyz. Sebebi, búginde kóptegen el dál osy JI salasynda basa mán berip otyr. Kóre jatarmyz. Jeke ózim optımıstik kózqarastamyn, — dedi ol.
Sonymen qatar, mınıstr ǵalymdardyń eńbegin, zertteýler nátıjesin nasıhattaý, buqaraǵa jetkizý jaǵy kemshin tartyp jatqanyn, bul jumysty retke keltirý kerektigin atap ótti.
Aıta keteıik, buǵan deıin Saıasat Nurbek ǵylym salasyn qarjylandyrýdyń baqylaý tetikterine túsinik bergenin jazǵanbyz.
