Qazaq fýtbolynyń ańyzy Seıilda Baıshaqov 72 jasynda dúnıeden ótti

ASTANA. QazAqparat - Qazaq fýtbolynyń ańyzy, QR ardagerler fýtboly odaǵynyń prezıdenti, Qazaqstan fýtbol federatsııasy prezıdentiniń keńesshisi Seıilda Baıshaqov 73 jasqa qaraǵan shaǵynda ómirden ozdy, dep habarlaıdy QazAqparat federatsııaǵa silteme jasap.

Seıilda Ikramuly KSRO sport sheberi, halyqaralyq dárejedegi sport sheberi, QR eńbegi sińirgen jattyqtyrýshysy edi.

Uzaq jyldar boıy almatylyq «Qaırattyń» kapıtany bolyp, KSRO ulttyq quramasynda oınady.

Seıilda Baıshaqovtyń otandyq fýtboldyń damýyna qosqan úlesi orasan. El fýtboly úshin aıanbaı eńbek etip, jas urpaqqa úlken tálim-tárbıe berdi.

«Qazaqstan fýtbol federatsııasy Seıilda Ikramulynyń týysqandary men jaqyndaryna qaıǵyryp, kóńil aıtady. Seıilda Baıshaqov esimi bizdiń júregimizde máńgi qalady» delingen habarlamada.