Qazaq fýtbolynyń abyroıy Seıildi Baıshaqov - 60 jasta
ALMATY. Tamyzdyń 28-i. QazAqparat /Erbol Turymbetov/ - Búkil Qazaqstan dańqty fýtbolshy Seıildi Baıshaqovtyń mereıtoıyn toılaýda. Búgin 60 jasqa tolý qurmetine oraı Almatydaǵy «Dınamo» stadıonynda birqatar joldastyq kezdesýler ótti, dep habarlaıdy QazAqparat.
Mereıli kezdesýlerdiń qatysýshylarynyń aıtýynsha, S. Baıshaqov - qazaq sportynyń qaharmany. Jambyl oblysynyń túlegi óziniń 20 jyldyq ǵumyryn Almatylyq «Qaırat» sapynda ótkizdi. Ortalyq qorǵaýshy qyzmetin atqarýshy Baıshaqov eldiń joǵarǵy lıgasynda endi óner kórsete bastaǵan kezde-aq óziniń jaqsy oıyn órnegin tanyta bastaǵan edi. Sonyń nátıjesinde, 1971 jyly odaq kóleminde eń úzdik debıýtant atanǵan bolatyn.
Áýelden balalar komandalarynyń oıyndary bolsa, onan soń ardagerler quramalarynyń jáne basty keıipkerdiń dostarynyń oıyndary boldy. Dál osyndaı merekelik sharalar qyrkúıektiń 2-sinde Astanadaǵy Qajymuqan Muńaıtpasov atyndaǵy stadıonda ótkizilgeli otyr. óziniń 11 jyldyq karerasynda tek úzdik nátıjeler kórsetken Baıshaqov 1977 jyly KSRO quramasyna shaqyrtý aldy. Ol quramda 1978 jylǵy álem birinshiliginiń irikteý týrlarynda Vengrııa men Grekııaǵa qarsy oıyndarda alańǵa shyqty. Onyń sheber oıynynyń arqasynda «Qaırat» komandasy 1974-1981 jyldar aralyǵynda el birinshilikterinde jáne odaq kóleminde talaı jeńisterge jetti. Sonan beri «4» nómirli jeıde árqashan Seıildi Baıshaqov atty tasqamal qorǵaýshyny eske túsirip turady.
S.Baıshaqov KSRO joǵarǵy lıgasynda barlyǵy 225 match ótkizip, 7 goldyń avtory atandy. Barlyǵy «Qaırat» sapynda. Sonymen birge, 1-shi lıgada 71 oıyn ótkizip, 4 goldyń ıesi boldy. Onyń qatysýymen «Qaırat» komandasy temirjolshylardyń Halyqaralyq Sport Keńesiniń Kýbogin tarıhta 1-shi odaq komandasy retinde jeńip aldy. Óziniń sporttyq karerasynyń sońyna qaraı kóp jyldar boıy «Qaıratty» jattyqtyryp, keıinnen klýbtyń vıtse-prezıdenti boldy. Onan soń QR Fýtbol Qaýymdastyǵyna aýysty. Qazirgi kúnge deıin qaýymdastyqta vıtse-prezıdent qyzmetin abyroıly atqaryp keledi.
QR-nyń eńbek sińirgen jattyqtyrýshysyn quttyqtaýǵa KSRO sport sheberleri, dostary men 70-80 jyldardaǵy «Qaırat» sapynda bolǵan komandalastary jınaldy. Mereıli joldastyq kezdesýlerde Quralbek Ordabaev, Dıas Omarov, Asqar Qojabergenov, Evgenıı Kýznetsov jáne basqalary boldy.
Merekeli shara qyrkúıektiń 2-si kúni Astanadaǵy Qajymuqan Muńaıtpasov atyndaǵy stadıonda jalǵasady dep josparlanǵan.
