Qazaq fýtbolshysy Qytaıdyń Olımpıadalyq quramyna kirdi
ASTANA. 24 shilde. QazAqparat - Qytaı Respýblıkasynyń Fýtboldan olımpıadalyq quramyna tuńǵysh ret qazaq fýtbolshysy kirdi.
Bul týraly BAQ.kz Qytaıdyń «Halyq saıtyna» silteme jasap habarlady.
Qytaıdyń úlken quramasyna múshe bolyp engen qandasymyzdyń esimi - Erjet Erzatuly. 1993 jyly Shyńjańda dúnıege kelgen qazaq azamaty eń alǵash Shyńjańdaǵy belgili Suń Chıńlıń fýtbol mektebinen tálim alǵan. Ol «Shyńjań» komandasyna kirgennen keıin bir qansha ret elimizde ótken Prezıdent kýbogy jolyndaǵy fýtbol dodasynda sheberligin baıqatqan bolatyn.
Qaǵilez qaqpashy da bola bilgen Erjettiń boıy 180 sm, salmaǵy 70 keli eken. Ol qazirgi kezde «Shyńjań Haıtań» klýbynda oınaıdy.
