Qazaq fýtbolynyń ardageri Marat Esmuratov ómirden ótti

ASTANA. KAZINFORM — Qazaq fýtbolynyń ardageri, tájirıbeli oıynshy ári bapker Marat Jalǵasuly Esmuratov 65 jasynda ómirden ozdy.

Bul jóninde Qazaqstan fýtbol federatsııasy málim etti.

— Marat Jalǵasuly — otandyq fýtboldyń damýyna eleýli úles qosqan tulǵa. Qazaqstan ulttyq quramasynyń sapynda jeti márte alańǵa shyqqan. Kásibı eńbek jolynda «Melıorator», «Mashýk», «Qaırat», SKIF-«Ordabasy», «Aktıýbınets», «Munaıshy» klýbtarynda óner kórsetip, 2001 jyly týǵan klýby «Qaısar» sapynda fýtbolshy mansabyn aıaqtady. Ol Qazaqstan Premer-lıgasynda 265 match ótkizip, 6 gol soqty, — dep jazylǵan habarlamada.

Federatsııa málimetinshe, M. Esmuratov

bapkerlik qyzmetinde «Qaısar», «Aqbulaq», BJMORSM № 2, «BTA Fýtzal» MFK, «Jetisý» jáne «Altaı» klýbtarynda eńbek etti. 

Eske salsaq, budan buryn fýtboldan Qazaqstan ulttyq quramasynyń FIFA reıtıngindegi orny ózgerdi.