Qazaq fýtbol federatsııasy Atqarý komıtetiniń sheshimimen jańa maýsymda Premer-lıgada óner kórsetetin komandalar sany ulǵaıdy
ALMATY. 26 jeltoqsan. QazAqparat /Erlik Erjanuly/ - Fýtboldan Premer-lıgadaǵy Qazaqstan chempıonatynda 14 komanda óner kórsetetin boldy.
Bul Qazaqstan fýtbol federatsııasy Atqarý komıtetiniń 24 jeltoqsanda ótken kezekti májisinde sheshildi.
Endi buǵan deıin belgili bolǵan "Shahter" (Qaraǵandy), "Jetisý" (Taldyqorǵan) , "Aqtóbe" (Aqtóbe), "Astana" (Astana) "Ertis" (Pavlodar), "Ordabasy" (Shymkent), "Tobyl" (Qostanaı), "Qaısar" (Qyzylorda), "Taraz" (Taraz), "Atyraý" (Atyraý), "Sunqar» (Qaskeleń), "Oqjetpes" (Kóshetaý) komandalarynyń qataryna Almatynyń "Qaırat" pen Oraldyń "Akjaıyq" komandalary qosylatyn boldy. Endi olar maýsymǵa burynǵydaı 23 emes, 25 oıynshyǵa ótinish usyna alady. Onyń ishinde oıynǵa 7 legıoner usynylyp, olardyń beseýi bir mezette alańǵa shyqpaq.
Jańa fýtbol maýsymy Premer-lıgada - 11 naýryzda, Birinshi lıgada - 1 sáýirde bastalady. Al Shymkenttiń "Ordabasy men Qaraǵandynyń "Shahter" komandalary arasyndaǵy Sýperkýbok matchy 6 naýryzda ótetin boldy.
