Qazaq-frantsýz mýzykanttary Aqtóbe sahnasynda Ǵazıza Jubanovanyń shyǵarmasyn oryndady
AQTÓBE. QazAqparat - Aqtóbedegi Jubanovtar álemi mádenıet ortalyǵynda «Parıj-Aqtóbe: Debıýssıden Jubanovqa deıin» atty kontsert ótti. «Týǵan jer» jobasy aıasynda uıymdastyrylǵan kontsertte qazaq-frantsýz mýzykanttary Ǵazıza Jubanovanyń shyǵarmasyn oryndady, dep habarlaıdy QazAqparat tilshisi.
Búgin Aqtóbege biregeı mýzykanttar keldi. Skrıpkashy ıÝg Borsarello, vıolonchelıst Gote Errman qazaqstandyq skrıpkashy Qalamqas Jumabaeva, altısıt Tolqyn Kılibaeva jáne pıanınoshy Gaýhar Tasbergenova óner kórsetti. Olar 1 saǵattan astam ýaqyt boıy J.Bızeniń «Karmen», G.Foreniń «Probýjdenıe», Debıýssıdiń «Desýshka s volosamı tsveta lna» jáne Ǵazıza Jubanova, Kenjebek Kúmisbekovtyń shyǵaramasyn oryndady. Qazaqstan-Frantsııa arasyndaǵy mádenı jańǵyrý josparyna sáıkes frantsýz mýzykanttary aqtóbelik Ǵazıza Jubanovanyń shyǵarmasyn óz repertýralaryna alǵash ret qosyp otyr.
«Frantsýzdar alǵash ret Jubanovtardyń shyǵarmasyn oryndady. Bul Aqtóbe úshin óte mańyzdy. «Rýhanı jańǵyrý» baǵdarlamasy aıasynda Astanaǵa kelgen mýzykanttardy Aqtóbege shaqyryp, kompozıtordyń týǵan jerin kórý usynysy jasaldy. Olar kelisim berip, búgin arnaıy kontsert berdi. Joba aqtóbelik mýzykanttar úshin de úlken tájirıbe alańy bola alady»,- dedi Aqtóbe oblystyq mádenıet, muraǵattar jáne qujattama basqarmasynyń basshysy Marjan Qorǵanbaeva.
Bir ereksheligi, mýzykanttar XVII, XVIII jáne XIX ǵasyrlardyń aspaptarynda óner kórsetti. Úni men áýezi bólek aspaptar aqtóbelik tyńdarmandy tańqaldyrdy.
«Pıanınoshy Gaýhar Tasbergenova jobany uıymdastyryp, frantsýz mýzykanttaryn Qazaqstanǵa shaqyrýdy, birlese óner kórsetýdi usyndy. Al Qazaqstandaǵy Frantsııa elshiligi «Rýhanı jańǵyrý» baǵdarlamasy aıasynda usynylǵan mádenı jobany qoldady. Kontsert aldymen Astanada ótti. Keıin Ǵazıza Jubanovanyń týǵan jerinde óner kórsetýge sheshim qabyldadyq. Jubanovtar álemi ortalyǵynda arnaıy mýzeı bar jáne biz kóp aqparat aldyq. Shyndyǵynda Jubanovtardyń shyǵarmasy Frantsııa úshin belgisiz. Aldaǵy ýaqytta keń tanynyp, mýzykanttar óz repertýarlaryna engizedi»,- dedi Qazaqstandaǵy Frantsııa elshiligi, mádenıet jáne yntymaqtastyq jónindegi keńesshisi Gııom Kasperskı.
Kontsert qazaq-frantsýz ónerin damytýǵa, eki el arasyndaǵy mádenı yntymaqtastyqty jańǵyrtýǵa baǵyttalǵan.
«Qazaqstanǵa tórtinshi ret keldik. Astana, Almaty sahnasynda óner kórsetip, qazaqstandyq mýzykanttardyń usynysymen uıymdastyrylǵan kontsert aıasynda frantsýz, qazaq shyǵarmalary oryndaldy. Bul biz úshin jańa baǵyt, jańalyq boldy. Biz úshin Ǵazıza Jubanova men Kenjebek Kúmisbekovtyń shyǵarmasy unady. Shyǵarmalardy aldaǵy ýaqytta óz repertýarymyzǵa engizip, Frantsııadaǵy, ózge elderdegi kontsertterdi oryndaımyz»,- dedi vıolonchelıst Gote Errman.
Aıta keteıik, kontsert Aqtóbe oblystyq mádenıet basqarmasy, «Jubanovtar álemi» mádenıet ortalyǵy men Ǵazıza Jubanova atyndaǵy Aqtóbe oblystyq fılarmonııasynyń qoldaýymen uıymdastyryldy.
